കൊളച്ചേരി :- 2025-26 വർഷത്തെ SSLC, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്കായി കൊളച്ചേരി സർവീസ് സഹകരണ ബാങ്ക് സംഘടിപ്പിക്കുന്ന അനുമോദനവും ക്യാഷ് അവാർഡ് വിതരണവും നാളെ ജൂലൈ 11 ശനിയാഴ്ച ഉച്ചയ്ക്ക് 1.30 ന് ചേലേരിമുക്ക് ബാങ്ക് ഹാളിൽ നടക്കും.
തളിപ്പറമ്പ് എം.എൽ.എ ടി.കെ ഗോവിന്ദൻ മാസ്റ്റർ ഉദ്ഘാടനം നിർവഹിക്കും. കൊളച്ചേരി ബാങ്ക് പ്രസിഡന്റ് പി.കെ രഘുനാഥൻ അധ്യക്ഷത വഹിക്കും. കൊളച്ചേരി ഗ്രാമപഞ്ചായത്ത് പ്രസിഡന്റ് ഷമീമ ടി.വി വിദ്യാർത്ഥികൾക്കുള്ള ക്യാഷ് അവാർഡുകൾ വിതരണം ചെയ്യും. തുടർന്ന് റിട്ട. അസിസ്റ്റന്റ് എക്സൈസ് ഇൻസ്പെക്ടർ ഓഫീസറും കൊളച്ചേരി ബാങ്ക് ഡയറക്ടറുമായ എ.പി രാജീവൻ ലഹരിവിരുദ്ധ ബോധവൽക്കരണ ക്ലാസ് നയിക്കും.
