വളവ്: ചേലേരി പ്രഭാത് വായനശാല & ഗ്രന്ഥാലയത്തിന്റെ ആഭിമുഖ്യത്തിൽ വൈക്കം മുഹമ്മദ് ബഷീർ അനുസ്മരണ ദിനം ആചരിച്ചു. വാർഡ് മെമ്പർ പി.കെ. ദീപ പരിപാടി ഉദ്ഘാടനം ചെയ്തു. വായനശാല എക്സിക്യൂട്ടീവ് അംഗം ഒ.വി. രാമചന്ദ്രൻ അധ്യക്ഷത വഹിച്ചു.
ചടങ്ങിൽ വായനശാല സെക്രട്ടറി എം.കെ. മനേഷ് ബഷീർ അനുസ്മരണ പ്രഭാഷണം നടത്തി. ബഷീറിന്റെ സാഹിത്യ ജീവിതത്തെയും അദ്ദേഹത്തിന്റെ കൃതികളുടെ സാമൂഹിക പ്രസക്തിയെയും കുറിച്ചുള്ള ഓർമ്മകൾ അദ്ദേഹം പങ്കുവെച്ചു. തുടർന്ന് നടന്ന അനുസ്മരണ യോഗത്തിൽ പി.കെ. രവീന്ദ്രനാഥ്, കെ. സജിത്ത് എന്നിവർ സംസാരിച്ചു.
വായനശാല ജോയിന്റ് സെക്രട്ടറി സ്വാഗതവും, എക്സിക്യൂട്ടീവ് അംഗം ശ്രീജിന ബാബു നന്ദിയും പറഞ്ഞു.
