നാറാത്ത് :- മഴ ശക്തമാകുന്ന സാഹചര്യത്തിൽ പൊതുജനങ്ങൾക്ക് ജാഗ്രതാ നിർദേശവുമായി നാറാത്ത് ഗ്രാമപഞ്ചായത്ത്. ശക്തമായ മഴയെത്തുടർന്ന് പുഴകളിലും തോടുകളിലും വെള്ളം ഉയർന്നുകൊണ്ടിരിക്കുന്നതിനാൽ എല്ലാവരും സുരക്ഷിതത്വം ഉറപ്പുവരുത്തണമെന്ന് അധികൃതർ അറിയിച്ചു.
പ്രധാന നിർദേശങ്ങൾ
പുഴയരികിൽ താമസിക്കുന്നവർ പ്രത്യേക ശ്രദ്ധ പുലർത്തണം.
രാത്രി സമയങ്ങളിൽ കൂടുതൽ കരുതലോടെ ഇരിക്കുക.
വെള്ളക്കെട്ടുള്ള സ്ഥലങ്ങളിലൂടെയുള്ള യാത്ര പരമാവധി ഒഴിവാക്കുക.
അത്യാപത്തുകളിൽ തക്കതായ ജാഗ്രതയും മുൻകരുതലുകളും സ്വീകരിക്കുക.
വാർത്തകളും ജാഗ്രതാ മുന്നറിയിപ്പുകളും കൃത്യമായി ശ്രദ്ധിക്കുക.
അടിയന്തര ആവശ്യങ്ങൾക്ക് ഫോൺ അടുത്ത് സൂക്ഷിക്കുക.
കുട്ടികളെയും മുതിർന്നവരെയും സുരക്ഷിതമായ സ്ഥലങ്ങളിലേക്ക് മാറ്റാൻ ശ്രദ്ധിക്കുക.
ടോർച്ച്, ബാറ്ററി, പ്രഥമ ശുശ്രൂഷാ കിറ്റ് (First Aid Kit) എന്നിവ സജ്ജമാക്കി വെക്കുക.
