കുറ്റ്യാട്ടൂർ:- മാംഗോ കമ്പനിയുടെ 2025-26 വർഷത്തെ വാർഷിക പൊതുയോഗം കുറ്റ്യാട്ടൂർ ഗ്രാമപഞ്ചായത്ത് പ്രസിഡന്റ് നിജിലേഷ് പറമ്പൻ ഉദ്ഘാടനം ചെയ്തു.
കുറ്റ്യാട്ടൂർ പഞ്ചായത്ത് സർവീസ് സഹകരണ ബാങ്ക് ഹാളിൽ (ചട്ടുകപ്പാറ) വെച്ചു നടന്ന പരിപാടിയിൽ കുറ്റ്യാട്ടൂർ മാംഗോ പ്രൊഡ്യൂസർ കമ്പനി ചെയർമാൻ വി.ഒ. പ്രഭാകരൻ അധ്യക്ഷത വഹിച്ചു. ഇരിക്കൂർ ബ്ലോക്ക് പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പി. സൗമിനി ടീച്ചർ ആശംസാ പ്രസംഗം നടത്തി.
മാംഗോ കമ്പനി മാനേജിങ് ഡയറക്ടർ . പി. ചന്ദ്രൻ അനുശോചന പ്രമേയവും വാർഷിക റിപ്പോർട്ടും അവതരിപ്പിച്ചു. മാംഗോ കമ്പനി സി.ഇ.ഒ. . യു. ജനാർദ്ദനൻ ഓഡിറ്റ് റിപ്പോർട്ടും 2026-27 വർഷത്തെ ബിസിനസ് പ്ലാനും അവതരിപ്പിച്ചു.
തുടർന്ന് നടന്ന ചർച്ചയിൽ മജു നമ്പൂതിരി, എം.വി. പ്രഭാകരൻ, ശശിധരൻ ചേലേരി, പൂക്കണ്ടി കുമാരൻ, ശ്രീ. കുഞ്ഞിരാമൻ കോരാറമ്പ്, എ.പി. വിജയൻ, വിജയശങ്കരൻ നമ്പീശൻ, മനോജ് മാത്തൻ (ശാന്തിഗിരി ആശ്രമം) എന്നിവർ സംസാരിച്ചു.
ഫുഡ് സേഫ്റ്റി നിയമങ്ങളെക്കുറിച്ച് കുമാരി. നന്ദന കെ. ക്ലാസ് എടുത്തു. കെ. മോഹനൻ സ്വാഗതവും കെ.കെ. പ്രസന്നകുമാരി കൃതജ്ഞതയും രേഖപ്പെടുത്തി.
