കൊളച്ചേരി: ആയുർവേദ എം.ഡി. പരീക്ഷയിൽ ഒന്നാം റാങ്ക് കരസ്ഥമാക്കിയ ഡോ. ശ്രീഷ്മ ഗംഗാധരനെ ബി.ജെ.പി. കൊളച്ചേരി പഞ്ചായത്ത് കമ്മറ്റിയുടെ ആഭിമുഖ്യത്തിൽ അനുമോദിച്ചു.
ചേലേരി സ്വദേശിയും കാനഡ ബാങ്ക് മാനേജർ നിതിൻ ജി. കൃഷ്ണന്റെ ഭാര്യയുമാണ് ഡോ. ശ്രീഷ്മ. ചടങ്ങിൽ ബി.ജെ.പി. സംസ്ഥാന കമ്മറ്റി അംഗം ബേബി സുനാഗർ ഡോ. ശ്രീഷ്മ ഗംഗാധരന് ഉപഹാരം (മോമെന്റോ) നൽകി. ജനറൽ സെക്രട്ടറി വേണുഗോപാൽ പി.വി. പൊന്നാടയണിയിച്ച് ആദരിച്ചു.
ആധുനിക കാലഘട്ടത്തിൽ ആയുർവേദത്തിന്റെ കാലികപ്രസക്തിയെക്കുറിച്ച് ബേബി സുനാഗർ മുഖ്യപ്രഭാഷണം നടത്തി. പഞ്ചായത്ത് കമ്മറ്റി പ്രസിഡണ്ട് ഇ.പി. ഗോപാലകൃഷ്ണൻ, വൈസ് പ്രസിഡണ്ട് ദേവരാജൻ പി.വി. എന്നിവർ ചടങ്ങിൽ ആശംസകൾ നേർന്നു സംസാരിച്ചു.
