കമ്പിൽ: ജനാധിപത്യ ധ്വംസനത്തിനെതിരെ രാജ്യത്തെ യുവത നടത്തുന്ന പ്രക്ഷോഭങ്ങൾക്ക് ഐക്യദാർഢ്യം പ്രഖ്യാപിച്ചുകൊണ്ട് പുരോഗമന കലാസാഹിത്യ സംഘം (പുകസ) മയ്യിൽ മേഖല കമ്മിറ്റിയുടെ നേതൃത്വത്തിൽ കമ്പിൽ ബസാറിൽ 'ആസാദി പ്രതിഷേധം' സംഘടിപ്പിച്ചു.
പരിപാടി പ്രശസ്ത നാടകകൃത്ത് ശ്രീധരൻ സംഘമിത്ര ഉദ്ഘാടനം ചെയ്തു. മേഖല പ്രസിഡന്റ് വിനോദ് കെ. നമ്പ്രം ചടങ്ങിൽ അധ്യക്ഷത വഹിച്ചു. ഡൽഹി സമരസേനാനി അക്ഷയ് കൊളച്ചേരി, സലാം കണ്ണാടിപ്പറമ്പ്, ശൈലജ തമ്പാൻ, ടി.പി. നിഷ ടീച്ചർ എന്നിവർ സംസാരിച്ചു.
അഭിലാഷ് കണ്ടക്കൈ, കെ. രാമകൃഷ്ണൻ മാസ്റ്റർ എന്നിവർ ഗാനങ്ങൾ ആലപിച്ചു. മേഖല സെക്രട്ടറി എ. അശോകൻ സ്വാഗതഭാഷണം നടത്തി.
