തളിപ്പറമ്പ് :- തളിപ്പറമ്പിൽ അതിഥി തൊഴിലാളി ഹൃദയാഘാതം മൂലം മരണപ്പെട്ടു. തളിപ്പറമ്പ് മെയിൻ റോഡിൽ പച്ചക്കറി മാർക്കറ്റിന് സമീപം ക്വാർട്ടേഴ്സിൽ താമസിക്കുന്ന ഒഡീഷ സ്വദേശി സന്തോഷ് മല്ലിക് ആണ് മരണപ്പെട്ടത്. പുലർച്ചെ 4 മണിയോടെയാണ് ക്വാർട്ടേഴ്സിൽ മരിച്ച നിലയിൽ കണ്ടെത്തിയത്.
തളിപ്പറമ്പ് SI മിഥുൻ ലാലിന്റെ നേതൃത്വത്തിൽ മൃതദേഹം ഇൻക്വസ്റ്റ് നടത്തി. വർഷങ്ങളായി പിതാവ് പാസ്കൽ മല്ലിക്ക്, സഹോദരന്മാരും ഒരുമിച്ച് തളിപ്പറമ്പിന്റെ വിവിധ ഭാഗങ്ങളിൽ ജോലി ചെയ്തു വരികയായിരുന്നു. പോസ്റ്റ്മോർട്ടത്തിന് ശേഷം മൃതദേഹം ഒഡീഷയിലേക്ക് കൊണ്ടുപോകും.
