കൊളച്ചേരി: -ഡോ. വി. ശിവദാസൻ എം.പി. മുഖേന പീപ്പിൾസ് മിഷൻ ഫോർ സോഷ്യൽ ഡെവലപ്‌മെൻ്റ്, സംഘമിത്ര വായനശാല & ഗ്രന്ഥാലയത്തിന് അനുവദിച്ച ലാപ്ടോപ്പിന്റെ ഉദ്ഘാടനം കൊളച്ചേരി പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി ചെയർപേഴ്‌സൺ ടിൻ്റു സുനിൽ നിർവ്വഹിച്ചു.
വായനശാല പ്രസിഡൻ്റ് പി. സന്തോഷ് ചടങ്ങിൽ അധ്യക്ഷത വഹിച്ചു. ശ്രീധരൻ സംഘമിത്ര, എ.ഒ. പവിത്രൻ എന്നിവർ ആശംസകൾ അർപ്പിച്ചു സംസാരിച്ചു.
ചടങ്ങിൽ എ. കൃഷ്ണൻ സ്വാഗതവും രഹ്ന എം.കെ. നന്ദിയും രേഖപ്പെടുത്തി. തുടർന്ന് പ്രാദേശിക കലാകാരന്മാരുടെ ഗാനാലാപനവും നടന്നു.
