ചേലേരി:-സംസ്ഥാനതല അംഗൻവാടി പ്രവേശനോത്സവത്തിന്റെ ഭാഗമായി ചേലേരി ഒന്നാം എടക്കൈ അംഗൻവാടിയിൽ പ്രവേശനോത്സവം വിപുലമായി സംഘടിപ്പിച്ചു. എടക്കാട് ബ്ലോക്ക് പഞ്ചായത്ത് സ്ഥിരം സമിതി ചെയർപേഴ്സൺ ശ്രീധരൻ സംഘമിത്ര പരിപാടി ഉദ്ഘാടനം ചെയ്തു.
വാർഡ് അംഗം പി.കെ. ദീപയുടെ അധ്യക്ഷതയിൽ ചേർന്ന യോഗത്തിൽ ഐ.സി.ഡി.എസ്. സൂപ്പർവൈസർ എ.പി. ശ്രീദേവി, ഇ.പി. വിലാസിനി എന്നിവർ സംസാരിച്ചു. അംഗൻവാടി വർക്കർ ഇ.പി. ശ്രീജ ചടങ്ങിന് സ്വാഗതം ആശംസിച്ചു.
നവാഗതരെ വർണ്ണാഭമായ തൊപ്പിയണിയിച്ചാണ് സ്കൂളിലേക്ക്/അംഗൻവാടിയിലേക്ക് സ്വാഗതം ചെയ്തത്. കുട്ടികൾക്ക് സമ്മാനങ്ങളും വിതരണം ചെയ്തു. തുടർന്ന് മധുരപലഹാരമായ പായസവിതരണത്തോടെയും വിവിധ കലാപരിപാടികളോടെയും പ്രവേശനോത്സവം സമാപിച്ചു.
