പാമ്പുരുത്തി : അനുദിനം മാറിക്കൊണ്ടിരിക്കുന്ന പുതിയ കാലത്തിന്റെ വെല്ലുവിളികളെ നേരിടാൻ യുവ തലമുറയെ സജ്ജരാക്കുക എന്ന ഉദ്ദേശ്യത്തോടെ പാമ്പുരുത്തി ശാഖ മുസ്ലിം യൂത്ത് ലീഗ് നടപ്പിലാക്കുന്ന "ദി ഡ്രീം ടീം പാമ്പുരുത്തി" കാംപയിനിൻ്റെ ലോഗോ പ്രകാശനം ചെയ്തു.
6 മാസം നീണ്ടു നിൽക്കുന്ന ഈ കാമ്പയിനിൽ 13 വയസ് മുതൽ 40 വരെയുള്ള പാമ്പുരുത്തി സ്വദേശികളായ യുവതി യുവാക്കൾക്ക് പങ്കാളികളാവാം.
സംഘാടക സമിതി യോഗം കൊളച്ചേരി പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ കെ.പി അബ്ദുൽ സലാം ഉദ്ഘാടനം ചെയ്തു. യൂത്ത് ലീഗ് പ്രസിഡൻ്റ് എം അനീസ് മാസ്റ്റർ അധ്യക്ഷനായിരുന്നു. ലോഗോ പ്രകാശനം കൊളച്ചേരി പഞ്ചായത്ത് മുസ്ലിം ലീഗ് സെക്രട്ടറി എം അബ്ദുൽ അസീസിന് നൽകി ജില്ലാ മുസ്ലിം യൂത്ത് ലീഗ് വൈസ് പ്രസിഡൻറ് ഷംസീർ മയ്യിൽ നിർവഹിച്ചു. മുസ്ലിം ലീഗ് ശാഖ സെക്രട്ടറി എം.എം അമീർ ദാരിമി, കൊളച്ചേരി പഞ്ചായത്ത് യൂത്ത് ലീഗ് പ്രസിഡൻ്റ് മൻസൂർ പാമ്പുരുത്തി എന്നിവർ സംസാരിച്ചു. ശാഖ മുസ്ലിം യൂത്ത് ലീഗ് സെക്രട്ടറി കെ.സി മുഹമ്മദ് കുഞ്ഞി സ്വാഗതവും വൈസ് പ്രസിഡൻ്റ് സിറാജ് വി.ടി നന്ദിയും പറഞ്ഞു.
സംഘാടക സമിതി ഭാരവാഹികൾ :
ഉപദേശക സമിതി : എം മമ്മു മാസ്റ്റർ, എം അബ്ദുൽ അസീസ്, എം മുസ്തഫ ഹാജി, കെപി അബ്ദുൽ സലാം, ഷംസീർ മയ്യിൽ
ചെയർമാൻ : എം.എം അമീർ ദാരിമി.
വൈ. ചെയർമാൻ : വി.ടി മുഹമ്മദ് മൻസൂർ, എം അനീസ് മാസ്റ്റർ
ജനറൽ കൺവീനർ : കെ സി മുഹമ്മദ് കുഞ്ഞി, വി.ടി സിറാജ്, ഫുഹാദ് എം.പി.
ട്രഷറർ : മുഹമ്മദലി കെ.പി
