തിരുവനന്തപുരം :- സംസ്ഥാന യുവജനക്ഷേമ ബോർഡിന്റെ നേതൃത്വത്തിൽ നടക്കുന്ന കേരളോത്സവം കോവിഡ് പശ്ചാതലത്തിൽ ഈ വര്‍ഷം പൂര്‍ണ്ണമായും ഓണ്‍ലൈന്‍ പ്ലാറ്റ്ഫോമിലാണ് സംഘടിപ്പിക്കുന്നത്‌.
ഈ വർഷം കലാമത്സരങ്ങള്‍ മാത്രമാണ് കേരളോത്സവത്തിന്‍റെ ഭാഗമായി സംഘടിപ്പിക്കുക.പ്രത്യേകം തയ്യാറാക്കിയ വെബ് ആപ്ലിക്കേഷനിലൂടെയാണ് രജിസ്ട്രേഷനും വീഡിയോ അപ് ലോഡിംഗും ഉള്‍പ്പെടെ നടത്തേണ്ടത്.
നവംബർ 25 മുതല്‍ 30 വരെ ഈ ഓണ്‍ലൈന്‍ ആപ്ലിക്കേഷനില്‍ മത്സരാര്‍ത്ഥികള്‍ക്കും ക്ലബ്ബുകള്‍ക്കും രജിസ്റ്റര്‍ ചെയ്യാം. ഓണ്‍ലൈന്‍ രജിസ്ട്രേഷനെ കുറിച്ചും വീഡിയോ അപ് ലോഡിംഗിനെ സംബന്ധിച്ചുമുള്ള മറ്റു സാങ്കേതിക വിവരങ്ങള്‍ക്ക് കേരളോത്സവം വെബ് ആപ്ലിക്കേഷൻ സന്ദർശിക്കുക. www.keralotsavam.com
