ചേലേരി:-സ്വർണ്ണക്കടത്തു കേസിലെ മുഖ്യപ്രതി സ്വപ്ന സുരേഷ് സ്വർണ്ണ കള്ളക്കടത്തിൽ മുഖ്യമന്ത്രിയുടെയും കുടുംബത്തിൻ്റെയും പങ്ക് വെളിപ്പെടുത്തിയ സാഹചര്യത്തിൽ മുഖ്യമന്ത്രി രാജിവെക്കണമെന്നാവശ്യപ്പെട്ട് ചേലേരി മണ്ഡലം കോൺഗ്രസ്സ് കമ്മറ്റിയുടെ നേതൃത്വത്തിൽ ഇന്ന് വൈകുന്നേരം ചേലേരി മുക്ക് ബസാറിൽ കരി ദിനമാചരിച്ച് കൊണ്ട് പ്രകടനം നടത്തി.
പ്രകടനത്തിന് ശേഷം മുഖ്യമന്ത്രിയുടെ കോലം കത്തിച്ചു.പ്രകടനത്തിന് ശേഷം നടത്തിയ പ്രതിഷേധ യോഗത്തിൽ മണ്ഡലം പ്രസിഡണ്ട് എൻ.വി. പ്രേമാനന്ദൻ അദ്ധ്യക്ഷം വഹിച്ചു. DCC മെമ്പർ എം അനന്തൻ മാസ്റ്റർ, ദളിത് കോൺഗ്രസ്സ് സംസ്ഥാന സെക്രട്ടറി ദാമോദരൻ കൊയിലേരിയൻ ബ്ലോക്ക് സിക്രട്ടറി പി.കെ.രഘുനാഥൻ എന്നിവർ പ്രസംഗിച്ചു.
പ്രകടനത്തിന് ബ്ലോക്ക് വൈസ് പ്രസിഡണ്ട് കെ.വി. പ്രഭാകരൻ, മണ്ഡലം സെക്രട്ടറി ഇ.പി. മുരളീധരൻ, പി.കെ. പ്രഭാകരൻ മാസ്റ്റർ, സി.വിജയൻ മാസ്റ്റർ, എം.സി. അഖിലേഷ് എന്നിവർ നേതൃത്വം നൽകി.
