കുറ്റ്യാട്ടൂർ:-സ്കൂൾ കുട്ടികൾക്കായി കുട്ടികൾ തന്നെ നടത്തുന്ന കേരളത്തിലെ ആദ്യത്തെ പോസ്റ്റ് ഓഫീസിന് ദേശീയ പോസ്റ്റൽ ദിനത്തിൽ കുറ്റ്യാട്ടൂർ കെ എ കെ എൻ എസ് യു പി സ്കൂളിൽ തുടക്കമായി.സ്കൂള്‍ പോസ്റ്റോഫിസിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് പി.പി.ദിവ്യ നിര്‍വഹിച്ചു.
കുറ്റ്യാട്ടൂര്‍ ഫഞ്ചായത്ത് പ്രസിഡന്റ് പി.പി.റെജി അധ്യക്ഷത വഹിച്ചു. കണ്ണൂര്‍ ഡിവിഷന്‍ പോസ്റ്റല്‍ സുപ്രണ്ട് പി.കെ.ശിവദാസന്‍ തപാല്‍ ദിന സന്ദേശം നല്‍കി. പോസ്റ്റ് ബോയ്, പോസ്റ്റ് ഗേള്‍ തസ്തികയിലേക്ക് നിയമിതരായ കുട്ടികളെ ഔദ്യോഗികമായി പ്രഖ്യാപിക്കലും, നിയമന ഉത്തരവ് നല്‍കലും തളിപ്പറമ്പ് സൗത്ത് ഉഫജില്ല എഇഒ സുധാകരന്‍ ചന്ദ്രത്തില്‍ നിര്‍വഹിച്ചു. ഫിലാറ്റലി ക്ലബ് ഉദ്ഘാടനം ബിപിഒ ഗോവിന്ദന്‍ എടാടത്തിലും, പോസ്റ്റ് ബോയ്, ഗേള്‍ എന്നിവര്‍ക്കുള്ള ഔദ്യോഗിക യുണിഫോം വിതരണം കുറ്റ്യാട്ടൂര്‍ പഞ്ചായത്ത് വൈസ് പ്രസിഡന്റ് നിജിലേഷ് പറമ്പനും നിര്‍വഹിച്ചു. സ്റ്റാമ്പ് പ്രകാശനം പഞ്ചായത്ത് അംഗം യു.മുകുന്ദനും നിര്‍വഹിച്ചു. പ്രധാനാധ്യാപിക കെ.കെ.അനിത, പിടിഎ പ്രസിഡന്റ് കെ.മധു, മദര്‍ പിടിഎ പ്രസിഡന്റ് കെ.റീന, എ.പ്രഭാകരന്‍, ഒ.ദാമോദരന്‍, ഷീജ പുന്നക്കല്‍ എന്നിവര്‍ പ്രസംഗിച്ചു.
