കണ്ണാടിപറമ്പ് : വീട്ടുകാർ ഉറങ്ങി കിടക്കവെ രണ്ടാം നിലവഴി അകത്ത് കടന്ന മോഷ്ടാവ് കിടപ്പുമുറിയിലെ അലമാരയിൽ സൂക്ഷിച്ച 15 പവന്റെ ആഭരണങ്ങൾ കവർന്നു. കണ്ണാടിപറമ്പ് ആറാംപീടികയിലെ ഖദീജ മഹലിലാണ് മോഷണം നടന്നത് .ഇന്ന് രാവിലെ മുസ്തഫയുടെ ഭാര്യ ഫാത്തീബി ഉണർന്നപ്പോഴാണ് രണ്ടാം നിലയുടെ കിടപ്പുമുറിയിലെ വാതിൽ തുറന്ന നിലയിൽ കാണപ്പെട്ടത്.തുടർന്ന് ഭർത്താവിനെ വിളിച്ചുണർത്തി പരിശോധിച്ചപ്പോഴാണ് അലമാര കുത്തിതുറന്ന നിലയിൽ കാണപ്പെട്ടത്.അലമാരയിൽ സൂക്ഷിച്ച വള, മാല, കമ്മൽ ഉൾപ്പെടെ 15 പവനോളം ആഭരണങ്ങൾ മോഷ്ടാവ് കവർന്നു.വീടിന് സമീപത്തെ മരം വഴി കയറിയാണ് മോഷ്ടാവ് മുകളിലെത്തെ നിലയിലെത്തിയതെന്നാണ് പോലീസിന്റെ പ്രാഥമിക നിഗമനം. വീട്ടുകാരെല്ലാം താഴെത്തെ നിലയിലാണ് കിടന്നുറങ്ങിയിരുന്നത്.വിവരമറിയിച്ചതിനെ തുടർന്ന് മയ്യിൽ സ്റ്റേഷൻ പോലീസ് ഇൻസ്പെക്ടർ ടി പി.സുമേഷും സംഘവും സ്ഥലത്തെത്തി പരിശോധിച്ചു. വിരലടയാള വിദഗ്ധരും സ്ഥലത്തെത്തിയിട്ടുണ്ട്. അടുത്ത വീട്ടിലും മോഷണ ശ്രമം നടന്നിരുന്നു വീടിന്റെ വാതിൽ പൊളിക്കാൻ ശ്രമിച്ചിട്ടുണ്ടെങ്കിലും അവിടെനിന്നു ഒന്നും മോഷണം പോയിട്ടില്ല എന്നാണ് പ്രാഥമിക വിവരം.
