കൊളച്ചേരി :- ദേശീയ വൈദ്യുതി സുരക്ഷാ വാരാചരണത്തിൻ്റെ ഭാഗമായി വൈദ്യുത അപകടങ്ങൾക്ക് വഴിവെക്കുന്ന കാരണങ്ങളെ കുറിച്ചും ഒഴിവാക്കേണ്ട സാഹചര്യങ്ങളെ കുറിച്ചും പൊതു ജനങ്ങളെ ബോധവത്കരിക്കാൻ കൊളച്ചേരി സെക്ഷനിലെ ജീവനക്കാർ ഇരുചക്ര വാഹന പ്രചരണ ജാഥ സംഘടിപ്പിച്ചു.
കൊളച്ചേരി പഞ്ചായത്ത് പ്രസിഡണ്ട് അബ്ദുൾ മജീദ്, നാറാത്ത് പഞ്ചായത്ത് പ്രസിഡണ്ട് കെ രമേശൻ എന്നിവർ സംയുക്തമായി ജാഥ ഫ്ലാഗ് ഓഫ് ചെയ്തു. വാർഡ് മെമ്പർമാരായ നിസാർ, പ്രീത എന്നിവർ ആശംസ നേർന്ന് സംസാരിച്ചു. കൊളച്ചേരി സെക്ഷനിൽ നിന്നും ആരംഭിച്ച ജാഥ, കൊളച്ചേരി മുക്ക്, ചേലേരി അമ്പലം, ചേലേരി മുക്ക്, കണ്ണാടിപ്പറമ്പ്, നാറാത്ത്, കമ്പിൽ തുടങ്ങി സെക്ഷന്റെ വിവിധ ഭാഗങ്ങളിലൂടെ സഞ്ചരിച്ച് പന്ന്യൻകണ്ടിയിൽ സമാപിച്ചു.
വിവിധ സ്വീകരണ കേന്ദ്രങ്ങളിൽ കെ എസ് ഇ ബി വളപട്ടണം അസി. എക്സിക്യുട്ടീവ് എൻജിനീയർ സി രവി, കെ എസ് ഇ ബി കൊളച്ചേരി അസി. എൻജിനീയർ എസ് വി ബിജു എന്നിവർ സംസാരിച്ചു.
