കൊളച്ചേരി:വിദ്വേഷത്തിനെതിരെ,ദുർഭരണത്തിനെതിരെയുവത- ധാർമികത- രാഷ്ട്രീയം എന്ന പ്രമേയത്തിൽ ശാഖാ ശാക്തീകരണം ലക്ഷ്യമിട്ട് തളിപ്പറമ്പ് മണ്ഡലം മുസ്ലിം യൂത്ത് ലീഗ് കമ്മിറ്റിയുടെ ആഭിമുഖ്യത്തിൽ 2023 മെയ്‌ 7 മുതൽ ജൂലായ് 31വരെ നടക്കുന്ന യൂണിറ്റ് അസംബ്ലി കൊളച്ചേരി പഞ്ചായത്തിലെ പാട്ടയം ശാഖയിൽ നടന്നു. യൂത്ത് ലീഗ് പാട്ടയം ശാഖാ പ്രസിഡണ്ട് ടി.പി ബഷീറിന്റെ അധ്യക്ഷതയിൽ കൊളച്ചേരി പഞ്ചായത്ത് മുസ്ലിം ലീഗ് ജനറൽ സെക്രട്ടറി ആറ്റക്കോയ തങ്ങൾ ഉദ്ഘാടനംചെയ്തു.
യൂത്ത് ലീഗ് തളിപ്പറമ്പ് മണ്ഡലം ജനറൽ സെക്രട്ടറി എൻ.യു. ശഫീഖ് മാസ്റ്റർ പ്രമേയ പ്രഭാഷണം നടത്തി.മുസ്ലിം യൂത്ത് ലീഗ് തളിപ്പറമ്പ് മണ്ഡലം പ്രസിഡണ്ട് നൗഷാദ് പുതുക്കണ്ടം യൂണിറ്റ് വിശകലനം ചെയ്തു. മണ്ഡലം യൂത്ത് ലീഗ് സെക്രട്ടറി പി.കെ ശംസുദ്ധീൻ പ്രതിജ്ഞ ചൊല്ലിക്കൊടുത്തു.
മണ്ഡലം സീനിയർ വൈസ് പ്രസിഡണ്ട് ഓലിയൻ ജാഫർ, മുസ്ലിം ലീഗ് ശാഖ പ്രസിഡണ്ട് പി.മുഹമ്മദ് ഹനീഫ, ജനറൽ സെക്രട്ടറി എം നാസർ, മുസ്ലിം യൂത്ത് ലീഗ് പഞ്ചായത്ത് പ്രസിഡണ്ട് മൻസൂർ പാമ്പുരുത്തി, ജനറൽ സെക്രട്ടറി ജാബിർ പാട്ടയം, വൈറ്റ് ഗാർഡ് പഞ്ചായത്ത് ക്യാപ്റ്റൻ കെ.സി. മുഹമ്മദ് കുഞ്ഞി സന്നിഹിതരായിരുന്ന.ചടങ്ങിൽ ശാഖ യൂത്ത് ലീഗ് ജനറൽ സെക്രട്ടറി സൈനുൽ ആബിദീൻ സ്വാഗതം പറഞ്ഞു.
