മയ്യിൽ :- കയരളം എ.യു.പി സ്കൂളിൽ ഓണാഘോഷ പരിപാടികൾ നടന്നു. പിടിഎ പ്രസിഡണ്ട് എം.നിധീഷിന്റെ അധ്യക്ഷതയിൽ രവി മാണിക്കോത്ത് (സ്റ്റാൻഡിങ് കമ്മിറ്റി ചെയർമാൻ) ഉദ്ഘാടനം നിർവഹിച്ചു. ഓണാഘോഷ പരിപാടിയുടെ ദേശീയ അധ്യാപക അവാർഡ് ജേതാവും പൂർവ വിദ്യാർത്ഥിയുമായ രാധാകൃഷ്ണൻ മാണിക്കോത്ത് ഓർമ്മകളിലെ ഓണം എന്ന വിഷയത്തിൽ മുഖ്യ പ്രഭാഷണം നടത്തി. മദർ പി.ടി.എ പ്രസിഡന്റ് രമ്യ പ്രസാദ് ആശംസകൾ നേർന്നു. ഹെഡ്മിസ്ട്രസ് ഇ.കെ രതി സ്വാഗതം പറഞ്ഞു.
അമ്മമാരുടെ തിരുവാതിര, കുട്ടികളുടെ കൈകൊട്ടി കളി ,നൃത്തശില്പം, ഓണപ്പാട്ട് ,നാടൻ പൂക്കളുടെ പ്രദർശനം, നാടൻ പൂക്കൾ കൊണ്ടുള്ള ഓണപ്പൂക്കളം എന്നിവയും നടന്നു. ഉച്ചയ്ക്ക് ഓണസദ്യയും ഒരുക്കി. ഓണാഘോഷത്തിന്റെ ഭാഗമായി നടന്ന മത്സരങ്ങളുടെ സമ്മാനദാനം വാർഡ് മെമ്പർ കെ.ശാലിനി നിർവഹിച്ചു.
