പറശ്ശിനിക്കടവ് :- തളിപ്പറമ്പ് സൗത്ത് ഉപജില്ലാ കലോത്സവം 2023 നവംബർ 7,8,9,10 തീയതികളിൽ പറശ്ശിനിക്കടവ് ഹയർ സെക്കന്ററി സ്കൂളിൽ നടക്കും. കലോത്സവത്തിന്റെ സുഗമമായ നടത്തിപ്പിനായി വിപുലമായ 509 അംഗ സംഘാടക സമിതി രൂപീകരിച്ചു.
സംഘാടക സമിതി യോഗം ആന്തൂർ മുനിസിപ്പാലിറ്റി ചെയർമാൻ ശ്രീ പി മുകുന്ദൻ ഉദ്ഘാടനം ചെയ്തു. ആന്തൂർ മുനിസിപ്പാലിറ്റി വികസന കാര്യ സ്റ്റാൻഡിങ് കമ്മിറ്റി ചെയർമാൻ ശ്രീ കെ വി പ്രേമരാജൻ മാസ്റ്റർ അധ്യക്ഷത വഹിച്ച ചടങ്ങിൽ കെ പി ഉണ്ണികൃഷ്ണൻ മാസ്റ്റർ, ആമിന ടീച്ചർ, ജാൻസി ജോൺ,എം കെ അനൂപ് കുമാർ, എ വി ജയരാജൻ, എ ഇ ജിതേഷ് കുമാർ, ഇ ഷൈജു, പി പി സുരേഷ് ബാബു, പി എൻ രാജപ്പൻ മാസ്റ്റർ, കെ പി മോഹനൻ, കെ രവീന്ദ്രൻ, പി കെ രൂപേഷ്, പി പദ്മനാഭൻ, വി പ്രസാദ് എന്നിവർ സംസാരിച്ചു.
സ്വാഗതസംഘം ചെയർമാനായി ആന്തൂർ നഗരസഭാ ചെയർമാൻ പി മുകുന്ദനെയും ജന. കൺവീനറായി പറശ്ശിനിക്കടവ് HSS പ്രിൻസിപ്പാൾ പി കെ രൂപേഷിനെയും ട്രഷററായി തളിപ്പറമ്പ് സൗത്ത് സബ് ജില്ലാAEO ജാൻസി ജോണിനെയും തെരഞ്ഞെടുത്തു. പരിപാടിയുടെ വിജയത്തിനായി 509 അംഗ കമ്മിറ്റിയെ യോഗം തിരഞ്ഞെടുത്തു.
