മാഹി :- മാഹി സെയ്ന്റ് തെരേസ ദേവാലയത്തിലെ വിശുദ്ധ അമ്മ ത്രേസ്യയുടെ 18 ദിവസത്തെ തിരുനാൾ ഒക്ടോബർ 22-ന് സമാപിക്കും. തിരുനാൾ കൊടിയേറ്റത്തിന് ദേവാലയത്തിൽ പ്രതിഷ്ഠിച്ച വിശുദ്ധയുടെ തിരുസ്വരൂപം ഇടവക വികാരി ഫാ.വിൻസെന്റ് പുളിക്കൽ രഹസ്യ അറയിലേക്ക് മാറ്റുന്നതോടെയാണ് തിരുനാളിന് കൊടിയിറങ്ങുക.
തിരുനാളിന്റെ 15-ാം ദിനമായ വ്യാഴാഴ്ച വൈകുന്നേരം ഫാ.അലക്സ് കളരിക്കൽ, ഫാ.മനോജ് മാത്യു, ഫാ.മിൽട്ടൻ ജേക്കബ് എന്നിവരുടെ കാർമികത്വത്തിൽ ദിവ്യബലി നടന്നു. ഇന്ന് ഒക്ടോബർ 20 വെള്ളിയാഴ്ച വൈകുന്നേരം 6 മണിക്ക് ഫാ.സെബാസ്റ്റ്യൻ കറുകപ്പറമ്പിലിന്റെ കാർമികത്വത്തിലും 21-ന് വൈകുന്നേരം ഫാ.ബെന്നി മണപ്പാട്ടിന്റെ കാർമികത്വത്തിലും ആഘോഷമായ ദിവ്യബലി നടക്കും.
