കണ്ണൂർ :- നഗരത്തിലുള്ള എല്ലാ ഫുട്പാത്തുകളും ഘട്ടംഘട്ടമായി ഹാൻഡ് റെയിൽ ഘടിപ്പിച്ചു ഭിന്ന ശേഷിക്കാരുടെ കാൽനടയാത്ര അപകടരഹിതവും സൗകര്യപ്രദ വുമാക്കാൻ കോർപറേഷൻ സെക്രട്ടറി നടപടിയെടുക്കണമെന്നു മനുഷ്യാവകാശ കമ്മിഷൻ. കണ്ണൂർ റെയിൽവേ സ്റ്റേഷന്റെ കിഴക്കേഗേറ്റ് മുതൽ പഴയ ബസ് സ്റ്റാൻഡ് വരെയുള്ള പ്രസ് ക്ലബ് റോഡിൽ ഫുട്‌പാത്ത് കയ്യേറി കച്ചവടം നടത്തുന്നതു കാരണം കാൽനടയാത്രക്കാർ റോഡിലൂടെ നടക്കാൻ നിർബന്ധിതരാവുന്നുവെന്ന പരാതിയിലാണു കമ്മി ഷൻ ആക്ടിങ് ചെയർപഴ്സനും ജുഡീഷ്യൽ അംഗവുമായ കെ.ബൈജു നാഥിൻ്റെ ഉത്തരവ്.
കോർപറേഷൻ സെക്രട്ടറിയിൽ നിന്നു കമ്മിഷൻ റിപ്പോർട്ട് വാങ്ങി. ഫുട്‌പാത്തുകൾ മറ്റാവശ്യങ്ങൾക്ക് ഉപയോഗിക്കാൻ പാടില്ലെന്ന മനുഷ്യാവകാശ കമ്മിഷൻ ഉത്തരവിന്റെ അടിസ്ഥാനത്തിൽ കോർപറേഷൻ പരിധിയിൽ 3 സ്ക്വാഡുകൾ രൂപീകരിച്ചു പ്രവർത്തനം നടത്തി വരിക യാണെന്നു റിപ്പോർട്ടിൽ പറയുന്നു.
അതിഥിത്തൊഴിലാളികൾ ഉൾപ്പെടെയുള്ള തെരുവുക്കച്ചവടക്കാരെ ഒട്ടേറെത്തവണ ഇവിടെ നിന്ന് ഒഴിപ്പിച്ചിട്ടുണ്ട്. എന്നാൽ തെരുവുക്കച്ചവടക്കാർ സംഘടിത ശ്രമത്തിലൂടെ വീണ്ടും കച്ചവടം തുടരുകയാണ്. തെരുവുക്കച്ചവട ക്കാരെ ഒഴിപ്പിക്കാൻ നടപടിയെടുത്തപ്പോൾ 14 പേർ ഹൈക്കോടതിയിൽ കേരള കേസ് ഫയൽ ചെയ്തു. അന്തിമവിധി വന്നിട്ടില്ല. കാൽനട യാത്രക്കാരുടെ സുരക്ഷയെ സംബന്ധിക്കുന്ന കാര്യമായതിനാൽ ഇക്കാര്യത്തിൽ ഉടൻ നടപടി അനിവാര്യമാണെന്നു കമ്മിഷൻ ഉത്തരവിൽ പറഞ്ഞു. ഇക്കാര്യം കേരള ഹൈക്കോടതിയെ ബോധ്യപ്പെടുത്താൻ കോർപറേഷൻ സെക്രട്ടറി നടപടിയെടുക്കണമെന്നും കമ്മിഷൻ ആവശ്യപ്പെട്ടു. പൊതുപ്രവർത്തകനായ വി.ദേവദാസ് സമർപ്പിച്ച പരാതിയിലാണു നടപടി.
