ചേലേരി :- ചേലേരി ചന്ദ്രോത്ത്കണ്ടി മടപ്പുര സാന്ദീപനി ധർമ്മ പഠനവിദ്യാലയത്തിൽ ധർമ്മ പഠനക്ലാസ് നടത്തി. ക്ലാസിൽ ബി.കെ ജ്യോതി (ബ്രഹ്മകുമാരിസ്) 'ആദ്ധ്യാത്മികതയും ആരോഗ്യവും' എന്ന വിഷയത്തിൽ ക്ലാസ് നടത്തി. ചടങ്ങിൽ ചെയർമാൻ പി.കെ.കുട്ടികൃഷ്ണൻ സ്വാഗതവും രത്നസുധാകരൻ നന്ദിയും പറഞ്ഞു.
സരള.പി, നിർമ്മല എൻ.കെ എന്നിവർ പ്രാർത്ഥന നടത്തി. ബീന ചേലേരി ക്ലാസ് അവലോകനം ചെയ്ത് സംസാരിച്ചു. ഹൃദ്യാ രഞ്ചിത്ത് ശാന്തിമന്ത്രം ചൊല്ലി. ചടങ്ങിൽ കൊട്ടിയൂർ ഇളനീർ സംഘങ്ങളിലെ കാരണവരായ വിജയൻ കാരണവരെ ആദരിച്ചു. സമ്മാനങ്ങൾ നൽകുകയും ചെയ്തു. പി.സി ശ്രീജ ഗുരുദക്ഷിണയും നൽകി. പി.വേണുഗോപാൽ അമ്മയുടെ സ്മരണാർത്ഥം പ്രഭാത ഭക്ഷണം മഹാദാനമായി നൽകി.
