കണ്ണൂർ :- അതിരൂക്ഷമായ ചൂട് വളർത്തുമൃഗങ്ങളുടെയും പക്ഷികളുടെയും മരണത്തിന് കാരണമാകാമെന്നും ഇക്കാര്യത്തിൽ ശ്രദ്ധ പുലർത്തണമെന്നുംജില്ലാ മൃഗസംരക്ഷണ ഓഫീസർ അറിയിച്ചു. സൂര്യാഘാതംമൂലമുള്ള കന്നുകാലികളുടെ നഷ്ടം റിപ്പോർട്ട് ചെയ്യണം.
കന്നുകാലികളോ പക്ഷികളോ സൂര്യാഘാതം മൂലം മരണപ്പെട്ടാൽ വെറ്ററിനറി ഡോക്ടർ - പോസ്റ്റ്മോർട്ടം നടത്തിയതിനു ശേഷം മാത്രമേ ജഡം മറവ് ചെയ്യാവൂ. രാവിലെ 10-ന് ശേഷം വൈകീട്ട് നാലുവരെ മൃഗങ്ങളെ വെയിലത്ത് കെട്ടരുത്. തൊഴുത്തിൽ സദാസമയവും കുടി വെള്ളം ലഭ്യമാക്കണം. തൊഴുത്തിൽ ഫാൻ സജ്ജീകരിക്കുന്നതും മേൽക്കൂരയ്ക്ക് മുകളിൽ ഓല വിരിക്കുന്നതും നല്ലതാണ്. രോഗലക്ഷണങ്ങൾ ശ്രദ്ധയിൽപ്പെട്ടാൽ ഉടൻതന്നെ വെറ്ററിനറി ഡോക്ടറുടെ സേവനം തേടണം.
