കണ്ണൂർ :- കാലാവസ്ഥാവ്യതിയാനം ആർട്ടിക് സമുദ്രത്തിലും കിഴക്കൻ ഗ്രീൻലാൻഡ് ഗ്ലേസിയേഴ്സിലും വരുത്തുന്ന മാറ്റം സംബന്ധിച്ച് പഠിക്കാനുള്ള സംഘത്തിൽ പാട്ടയം സ്വദേശിനിയും. കൊളച്ചേരി പാട്ടയത്തെ അപ്സര പി.വിജയനാണ് 22 പേരടങ്ങുന്ന സംഘത്തിലുള്ളത്.
അഞ്ചാഴ്ചത്തെ പര്യവേക്ഷണം ഓഗസ്റ്റ് 15-ന് സമാപിക്കും. 11 രാജ്യങ്ങളിൽ നിന്നുള്ള സമുദ്ര ഗവേഷക സംഘത്തിലെ ഏക ഇന്ത്യക്കാരിയാണ് ചൈനയിൽ ഗവേഷണ വിദ്യാർഥിനിയായ അപ്സര. ടി.വി വിജയൻ - പി.അനിത ദമ്പതികളുടെ മകളാണ്.
