ചേലേരി :- 2023 കേരള സംഗീത നാടക അക്കാദമി ഗുരുപൂജ പുരസ്‌കാരം നേടിയ കണ്ണൂർ ബാലകൃഷ്ണൻ മാസ്റ്ററെ ചേലേരി നൂപുരം ഡാൻസ് ഗ്രൂപ്പിന്റെ നേതൃത്വത്തിൽ ആദരിച്ചു. ചേലേരി എ.യു.പി സ്കൂളിൽ വെച്ച് നടന്ന പരിപാടിയിൽ മുൻപഞ്ചായത്ത് മെമ്പർ കെ.പി ചന്ദ്രഭാനു കണ്ണൂർ ബാലകൃഷ്ണൻ മാസ്റ്ററെ പൊന്നാട അണിയിച്ച് ഉപഹാരം നൽകി ആദരിച്ചു.
ഇ.പി ഗോപാലകൃഷ്ണൻ അധ്യക്ഷത വഹിച്ചു. ചടങ്ങിൽ Dr. ബിനി, ശശി മാസ്റ്റർ എന്നിവർ ആശംസയർപ്പിച്ചു സംസാരിച്ചു. കെ.പി പ്രകാശൻ ചേലേരി സ്വാഗതവും അശ്വതി ടീച്ചർ നന്ദിയും പറഞ്ഞു.
