കൊളച്ചേരി :- നാടക രംഗത്തെ സമഗ്രസംഭാവനയ്ക്കും കേരള സർക്കാരിൻ്റെ സാംസ്കാരിക വിനിമയ കേന്ദ്രമായ ഭാരത് ഭവൻ ഏർപ്പെടുത്തിയ മധു കൊട്ടാരത്തിൽ ഗ്രാമീണ നാടകരചനക്കുള്ള പ്രഥമ പുരസ്കാര നേട്ടത്തിനും ശ്രീധരൻ സംഘമിത്രയെ കൊളച്ചേരി ഗ്രാമപഞ്ചായത്ത് ആദരിച്ചു.
കമ്പിൽ മാപ്പിള ഹയർ സെക്കണ്ടറി സ്കൂൾ ഓഡിറ്റോറിയത്തിൽ നടന്ന ചടങ്ങിൽ വെച്ച് പഞ്ചായത്ത് പ്രസിഡന്റ് കെ.പി അബ്ദുൾ മജീദ് പൊന്നാടയണിയിച്ച് ഉപഹാരം നൽകി. വിദ്യാഭ്യാസ ആരോഗ്യ സ്ഥിരം സമിതി ചെയർമാൻ കെ.ബാലസുബ്രഹ്മണ്യൻ അധ്യക്ഷത വഹിച്ചു. വൈസ് പ്രസിഡന്റ് എം.സജ്മ, പഞ്ചായത്ത് മെമ്പർമാരായ കെ.പി നാരായണൻ, അഷ്റഫ്, കെ.സി സീമ ശ്രീധരൻ സംഘമിത്ര എന്നിവർ സംസാരിച്ചു. ടി.വി വത്സൻ സ്വാഗതവും പഞ്ചായത്ത് അസിസ്റ്റൻ്റ് സിക്രട്ടറി കെ.ബാബു നന്ദിയും പറഞ്ഞു.
