കണ്ണൂരിൽ നിന്ന് മസ്കത്ത്, ദമാം റൂട്ടിലേക്കുള്ള ഇൻഡിഗോ എയർലൈൻസ് ടിക്കറ്റ് ബുക്കിങ് ആരംഭിച്ചു

മട്ടന്നൂർ :- കണ്ണൂർ രാജ്യാന്തര വിമാനത്താവളത്തിൽനിന്ന് ഇൻഡിഗോ എയർലൈൻസ് മസ്കത്ത്, ദമാം റൂട്ടിൽ ടിക്കറ്റ് ബുക്കിങ് ആരംഭിച്ചു. ഏപ്രിൽ 20 മുതൽ ആഴ്ചയിൽ 4 ദിവസമാണു ദമാം റൂട്ടിൽ സർവീസ്. തിങ്കൾ, ബുധൻ, വെള്ളി, ഞായർ ദിവസങ്ങളിൽ രാത്രി 12.25നു കണ്ണൂരിൽ നിന്നു പുറപ്പെട്ടു പ്രാദേശിക സമയം 2.40നു ദമാമിലെത്തി തിരിച്ചു രാവിലെ 10.30നു കണ്ണൂരിലെത്തുന്ന തരത്തിലാണു സമയക്രമം. 

ഏപ്രിൽ 22 മുതൽ ആഴ്‌ചയിൽ 3 ദിവസമാണ് മസ്കത്ത് സർവീസ്. ചൊവ്വ, വ്യാഴം, ശനി ദിവസങ്ങളിൽ രാത്രി 12.40നു കണ്ണൂരിൽ നിന്നു പുറപ്പെട്ടു പ്രാദേശിക സമയം 2.35നു മസ്കത്തിലെത്തി രാവിലെ 8.30നു തിരിച്ചു കണ്ണൂരിലെത്തുന്ന തരത്തിലാണു സമയക്രമം.