തിരുവനന്തപുരം :- ക്ഷേമപെൻഷൻ കുടിശ്ശികയിൽ ഒരുമാസത്തേതുകൂടി വിതരണം ചെയ്യാൻ തീരുമാനമായതായി മന്ത്രി കെ.എൻ ബാലഗോപാൽ. മേയിലെ പെൻഷനൊപ്പം ഇതും നൽകും. 62 ലക്ഷം കുടുംബങ്ങൾക്ക് 3200 രൂപവീതം ലഭിക്കും. 1800 കോടി രൂപ ഇതിന് വേണ്ടിവരും.
അടുത്തമാസം 15-നുശേഷം വിതരണം ചെയ്യും. ക്ഷേമപെൻഷനിൽ അഞ്ചുമാസത്തെ കുടിശ്ശികയുണ്ടായിരുന്നു. ഇതിൽ രണ്ടു മാസത്തേത് കഴിഞ്ഞ സാമ്പത്തി കവർഷം നൽകി. ശേഷിക്കുന്ന മൂന്നുമാസത്തേത് ഈവർഷം നൽകുമെന്ന് മുഖ്യമന്ത്രി നിയമസഭയിൽ പറഞ്ഞിരുന്നു.
