പള്ളിപ്പറമ്പ് :- പള്ളിപ്പറമ്പ് - കായച്ചിറ - കൊളച്ചേരിപ്പറമ്പ് റോഡ് തകർന്ന് യാത്ര ദുസ്സഹമായതിനെ തുടർന്ന് ഈ റൂട്ടിലുള്ള ബസ് ഇന്ന് മുതൽ പണിമുടക്ക് ആരംഭിച്ചു. യാത്രയ്ക്ക് വലിയ ബുദ്ധിമുട്ടായി മാറിയിരിക്കുന്ന ഈ റോഡ് നവീകരിച്ച് ഗതാഗത യോഗ്യമാക്കണമെന്ന് ആവശ്യപ്പെട്ടുകൊണ്ടാണ് ബസ് ജീവനക്കാർ പണിമുടക്കുന്നത്.
റോഡിലെ വലിയ കുഴികൾ കാരണം ഇതുവഴി കടന്നു പോകുന്ന വാഹനങ്ങളും കാൽനടയാത്രക്കാരും ബുദ്ധിമുട്ട് നേരിടുകയാണ്. ദിനംപ്രതി വിദ്യാർത്ഥികൾ ഉൾപ്പെടെയുള്ള നിരവധിപേർ യാത്രചെയ്യുന്ന റോഡാണിത്. റോഡിന്റെ ശോചനീയാവസ്ഥ കാരണം ബസ് സർവീസ് നിർത്തിയതോടെ യാത്രക്കാർ ബുദ്ധിമുട്ടിലായിരിക്കുകയാണ്. പെട്ടെന്ന് തന്നെ റോഡ് ഗതാഗതയോഗ്യമാക്കണമെന്നാണ് ബസ് ജീവനക്കാരുടെയും നാട്ടുകാരുടെയും ആവശ്യം.
