പാലക്കാട് :- പാലക്കാട് തൃപ്പാളൂരിൽ ഇന്നലെ ഉദ്ഘാടനം ചെയ്ത തൂക്കുപാലത്തിന്റെ കൈവരികൾ പൊട്ടിവീണു. ഗായത്രിപ്പുഴക്ക് കുറുകെ തൃപ്പാളൂർ ശിവക്ഷേത്രത്തിലേക്ക് നിർമ്മിച്ച തൂക്കുപാലത്തിൻ്റെ കൈവരി കമ്പികളാണ് നിലത്ത് വീണത്. അഞ്ച് കോടി രൂപ ചിലവഴിച്ചാണ് തൂക്കുപാലവും, ഓപൺ സ്റ്റേജ്, ടോയ്ല‌റ്റ് ബ്ലോക്ക്, ലൈറ്റുകൾ, ഉൾപ്പെടെ ഉള്ള അനുബന്ധ സൗകര്യങ്ങൾ ഒരുക്കിയത്. പിന്നാലെയാണ് തൂക്കുപാലത്തിന്റെ കൈവരികൾ പൊട്ടിയത്. കെഡി പ്രസന്നൻ എംഎൽഎയുടെ നിർദേശപ്രകാരം ബജറ്റ് വിഹിതമായ തുക ഉപയോഗിച്ചാണ് പാലം നിർമ്മിച്ചിരുന്നത്.
പാലത്തിന് പുറമേ കുട്ടികൾക്ക് കളിക്കാനുള്ള സ്ഥലം ഓപ്പൾ സ്റ്റേജ് ഉൾപ്പെടയുളള വിപുലമായ പദ്ധതിയായിരുന്നു ഇത്. ഉദ്ഘാടനത്തിനിടയിൽ തന്നെ കൈവരികൾ പൊട്ടിവീണിരുന്നു. ഇത് ചില ആളുകൾ ശ്രദ്ധയിൽ പെടുത്തിയിരുന്നു. 5 കോടി രൂപ ചിവഴിച്ച് നിർമ്മിച്ച പാലത്തിന്റെ കൈവരികൾ തകർന്നതോടെ നാട്ടുകാർ രംഗത്തെത്തിയിട്ടുണ്ട്. ഉടൻ തന്നെ വിഷയം പരിഹരിക്കാം എന്ന ഉറപ്പാണ് നാട്ടുകാർക്ക് ഉദ്യോഗസ്ഥർ നൽകിയത്.
