തിരുവനന്തപുരം :- സംസ്ഥാനത്ത് ഇന്ന് സ്വർണവില കുത്തനെ ഉയർന്നു. ഇന്നലെ പവന് 520 രൂപ കുറഞ്ഞ് 92,000 ത്തിന് താഴെയെത്തിരുന്നു. ഇന്ന് പവന് ഒറ്റയടിക്ക് 1400 രൂപ വർദ്ധിച്ച് വില 93,000 ത്തിവ് മുകളിലെത്തി. ഒരു പവൻ 22 കാരറ്റ് സ്വർണത്തിന്റെറെ വിപണി വില നിലവിൽ 93,160 രൂപയാണ്. ഏറ്റവും കുറഞ്ഞ പണിക്കൂലിയായ 5 ശതമാനവും ജിഎസ്ട‌ി മൂന്ന് ശതമാനവും ഹാൾമാർക്കിങ് ചാർജും ചേർത്താൽ ഇന്ന് ഒരു പവൻ സ്വർണാഭരണം വാങ്ങാൻ ഒരു ലക്ഷത്തിന് അടുത്ത് നൽകണം.
അടുത്ത മാസം യുഎസ് ഫെഡറൽ റിസർവ് പലിശ നിരക്ക് കുറയ്ക്കുമെന്ന പ്രതീക്ഷകൾ ഉയർന്നതോടെ സ്വർണ നിക്ഷേപം ഉയർന്നു. പ്രധാന ഇന്ത്യൻ നഗരങ്ങളിൽ ആഭ്യന്തര നിരക്കുകൾ കുതിച്ചുയർന്നത് വിവാഹ സീസണിൽ സ്വർണം വാങ്ങുന്നവരിൽ സമ്മർദ്ദം ഉണ്ടാക്കിയിട്ടുണ്ട്. കഴിഞ്ഞ 20 വർഷത്തിനിടയിൽ, സ്വർണ്ണത്തിന്റെ വില ഏകദേശം 1,500 ശതമാനമാണ് വർദ്ധിച്ചത്. 2005 ൽ 10 ഗ്രാമിന് 7,638 രൂപയായരുന്നെങ്കിൽ 2025 സെപ്റ്റംബറിൽ വില 1.25 ലക്ഷം രൂപയ്ക്ക് മുകളിലായി,
കേരളത്തിൽ വില നിശ്ചയിക്കുന്നത് ഓൾ കേരള ഗോൾഡ് ആൻഡ് സിൽവർ മർച്ചൻ്റ് അസേസിയേഷൻ ആണ്. അന്താരാഷ്ട്ര വിലയെ അനുസൃതമാക്കിയാണ് കേരളത്തിൽ വില നിശ്ചയിക്കുന്നത്. അന്താരാഷ്ട്ര വിപണി നിരക്കുകൾ, ഇറക്കുമതി തീരുവകൾ, നികുതികൾ, വിനിമയ നിരക്കുകളിലെ ഏറ്റക്കുറച്ചിലുകൾ എന്നിവയാണ് പ്രധാനമായും ഇന്ത്യയിലെ സ്വർണ്ണ വിലയെ സ്വാധീനിക്കുന്നത്
ഇന്നത്തെ വില വിവരങ്ങൾ
ഒരു ഗ്രം 22 കാരറ്റ് സ്വർണത്തിന്റെ വില 11645 രൂപയാണ്. ഒരു ഗ്രം 18 കാരറ്റ് സ്വർണത്തിന്റെ വില 9580 രൂപയാണ്. ഒരു ഗ്രം 14 കാരറ്റ് സ്വർണത്തിൻ്റെ വില 7460 രൂപയാണ്. ഒരു ഗ്രം 9 കാരറ്റ് സ്വർണത്തിന്റെറെ വില 4815 രൂപയാണ്. വെള്ളിയുടെ വില ഇന്ന് 165 രൂപയായി.
