ശബരിമല :- ദർശനം തേടി കൂടുതൽ തീർഥാടകർ എത്തുന്നതിനാൽ ശബരിമലയിൽ ഇന്ന് സ്പോട്ട് ബുക്കിങ് 5000 മാത്രമായി പരിമിതപ്പെടുത്തി. ഇന്നലെ വൈകുന്നേരം 6 മണി വരെയുള്ള കണക്കനുസരിച്ച് പമ്പയിൽ നിന്നു സന്നിധാനത്തേക്ക് 87,325 പേർ മലകയറി എത്തി.
ഇതിൽ 10,634 പേർ സ്പോട്ട് ബുക്കിങ് വഴിയാണ് എത്തിയത്. പതിനെട്ടാംപടി കയറാനുള്ള നിര ശരംകുത്തി ഭാഗത്തേക്കു നീണ്ടു. ഇതെത്തുടർന്നാണ് പോലീസും ദേവസ്വം ബോർഡും സ്പെഷൽ കമ്മിഷണറും കൂടിയാലോചിച്ച് ഇന്നത്തെ സ്പോട്ട് ബുക്കിങ് കുറച്ചത്.
ശബരിമലയിൽ ഇന്ന്
നടതുറക്കൽ : പുലർച്ചെ 3.00
അഭിഷേകം : 3.30 - 11.00
കളഭാഭിഷേകം : 11.30
ഉച്ചപ്പൂജ : 12.00
നട അടയ്ക്കൽ : 1.00
വൈകുന്നേരം നടതുറക്കൽ : 3.00
പുഷ്പാഭിഷേകം : 6.45
നട അടയ്ക്കൽ : 11.00
