തിരുവനന്തപുരം :- കേരളത്തിൽ തദ്ദേശതെരഞ്ഞെടുപ്പിനുള്ള തീയ്യതികൾ പ്രഖ്യാപിച്ചു. രണ്ടുഘട്ടങ്ങളിലായാണ് തെരഞ്ഞെടുപ്പ് നടക്കുന്നത്. ആദ്യഘട്ട തെരഞ്ഞെടുപ്പ് ഡിസംബർ 9 നും രണ്ടാംഘട്ടം 11 നും നടക്കും. കണ്ണൂർ ഉൾപ്പടെ 7 ജില്ലകളിലേക്കുള്ള തെരഞ്ഞെടുപ്പ് ഡിസംബർ 11 ന് നടക്കും. ഡിസംബർ 13 ശനിയാഴ്ച വോട്ടെണ്ണൽ നടക്കും.
തിരുവനന്തപുരം, കൊല്ലം, ആലപ്പുഴ, പത്തനംതിട്ട, കോട്ടയം, ഇടുക്കി, എറണാകുളം എന്നീ ജില്ലകളിൽ
ഡിസംബർ 9 നും തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നീ ജില്ലകളിൽ ഡിസംബർ 11നുമാണ് തെരഞ്ഞെടുപ്പ് നടക്കുന്നത്.
തിരഞ്ഞെടുപ്പ് കമ്മീഷന്റെ വിജ്ഞാപനവും ഭരണാധികാരി പുറപ്പെടുവിക്കുന്ന തെരഞ്ഞെടുപ്പ് നോട്ടീസ് പരസ്യപ്പെടുത്തലും നവംബർ 14 ന് നടക്കും.
നാമനിർദേശ പത്രിക സമർപ്പണം നവംബർ 21 വരെ നടത്താം. സൂക്ഷ്മ പരിശോധന നവംബർ 22, നവംബർ 24 നുള്ളിൽ നാമനിർദേശ പത്രിക പിൻവലിക്കാം. ഡിസംബർ 18 ഓടെ തെരഞ്ഞെടുപ്പ് പ്രക്രിയകൾ അവസാനിപ്പിക്കും.
