കണ്ണൂർ :- സുഗമമായ തിരഞ്ഞെടുപ്പിന് ഓരോ ബൂത്തിലേക്കുമെത്തുക ഇലക്ട്രോണിക് വോട്ടിങ് മെഷീൻ (ഇവിഎം) മാത്രല്ല. തീപ്പെട്ടിയും മെഴുകുതിരിയും അരക്കും ചരടും ഉൾപ്പെടെയുള്ള 25 ഇനം സാധനങ്ങൾ. ഇവ ഓരോന്നും കൃത്യമായി എണ്ണി തുണിസഞ്ചിയിലാക്കി അതത് ബൂത്തുകളിലെ തിരഞ്ഞെടുപ്പിന് നിയോഗിക്കപ്പെട്ട ഉദ്യോഗസ്ഥർക്ക് നൽകും. പെൻസിൽ, മൊട്ടുസൂചി, പശ, വെള്ളച്ചരട്, ബ്ലേഡ്, വോട്ടർപട്ടികയിൽ അടയാളപ്പെടുത്താൻ ചുവന്ന മഷിയുള്ള പേന എന്നിങ്ങനെ 25 ഇനം സ്റ്റേഷനറി ഇനങ്ങൾ ഓരോ ബൂത്തിലേക്കും നൽകുന്നുണ്ട്. സീൽ ചെയ്യാനുള്ള അരക്കാണ് ബൂത്തുകളിലേക്കുള്ള മറ്റൊരു പ്രധാന ഇനം. ഇലക്ട്രോണിക് വോട്ടിങ് മെഷീൻ, മോക് പോൾ നടത്തിയതിനുശേഷം വോട്ടിങ് യന്ത്രങ്ങൾ സീൽ ചെയ്യാനുപയോഗിക്കുന്ന ഗ്രീൻപേപ്പർ സീൽ, സ്ട്രിപ്പ് സീൽ, സ്പെഷ്യൽ ടാഗ്, കൺട്രോൾ യൂണിറ്റിന്റെ അഡ്രസ് ടാഗ്, വോട്ടർപട്ടികയുടെ മാർക്ക്ഡ് കോപ്പി ഉൾപ്പെടെ എട്ട് ഇനങ്ങളാണ് ഇലക്ട്രോണിക് വോട്ടിങ് മെഷീനുമായി ബന്ധപ്പെട്ടുള്ളത്.
ഇലക്ട്രോണിക് വോട്ടിങ് മെഷീനിലെ വിവരങ്ങൾ രേഖപ്പെടുത്തുന്ന ഡിറ്റാച്ചബിൾ മെമ്മറി മൊഡ്യുളും വോട്ടർമാരുടെ വിരലിൽ അടയാളപ്പെടുത്താനുള്ള മഷിയും ബൂത്തുകളിലേക്ക് നൽകും. പ്രിസൈഡിങ് ഓഫീസർക്ക് മെറ്റൽ, റബ്ബർ ഉൾപ്പെടെ നാലിനം സീലുകൾ, ടെൻഡർ വോട്ടുകൾ രേഖപ്പെടുത്താനുള്ള ലിസ്റ്റ്, ചല ഞ്ച്ഡ് വോട്ടുകൾ രേഖപ്പെടുത്താനുള്ള ലിസ്റ്റ് തുടങ്ങി വിവിധ ഫോമുകൾ ഉൾകൊള്ളിച്ച 10 ഇനം പേ പ്പർ കവറുകൾ എന്നിവ നൽകും. കൂടാതെ, തിരഞ്ഞെടുപ്പ് പ്രക്രിയയുമായി ബന്ധപ്പെട്ട വോട്ടെടുപ്പ് തുടങ്ങുന്നതിനു മുൻപ് പ്രിസൈഡിങ് ഓഫീസർ സത്യപ്രസ്താവന രേഖപ്പെടുത്തുന്ന ഫോം 10എ ഉൾപ്പടെ 14 ഫോമുകളും ഓരോ ബൂത്തുകളിലേക്ക് നൽകും. ജില്ലയിലെ 20 വിതരണ സ്വീകരണ കേന്ദ്രങ്ങളിൽ നിന്ന് ഇവ ഡിസംബർ 10-ന് വിതരണം ചെയ്യും.
