മയ്യിൽ :- മയ്യിലിൽ നടന്ന 33 മത് വാർഷിക സമ്മേളനത്തിന്റെ ഭാഗമായി കേരളാ സ്റ്റേറ്റ് സർവീസ് പെൻഷനേഴ്സ് യൂണിയൻ മയ്യിൽ, ഇരിക്കൂർ ബ്ലോക്കുകളും കണ്ണൂർ ജില്ലാ കമ്മറ്റിയും ചേർന്ന് മലപ്പട്ടം യൂണിറ്റിലെ ചുളിയാട് നിർമിച്ച സാന്ത്വന ഭവനത്തിന്റെ താക്കോൽ കൈമാറി. ജില്ലാ പ്രസിഡന്റ് ടി.ശിവദാസൻ മാസ്റ്റരുടെ അധ്യക്ഷതയിൽ നടന്ന സംസ്ഥാന സിക്രട്ടറി കെ കരുണാകരൻ മാസ്റ്റർ താക്കോൽ കൈമാറ്റം നിർവഹിച്ചു. മലപ്പട്ടം പഞ്ചായത്ത് പ്രസിഡന്റ് ഗൃഹോപകരണങ്ങൾ വിതരണം ചെയ്തു. മയ്യിൽ, മയ്യിൽ വെസ്റ്റ്, കുറ്റ്യാട്ടൂർ, മലപ്പട്ടം, കൊളച്ചേരി യൂണിറ്റുകളും ഗൃഹോപകരണങ്ങൾ വിതരണം ചെയ്തു.
സാന്ത്വന ഭവനാ പണി കഴിച്ച കോൺട്രാക്ടർ ബാബുവിനെ സംസ്ഥാനകമ്മറ്റി അംഗം പി.വി പത്മനാഭൻ മാസ്റർ ഉപഹാരം നൽകി അനുമോദിച്ചു. നിർമാണത്തിന് നേതൃത്വം നൽകിയ പി.പി ബാലകൃഷ്ണനെ സംസ്ഥാന കമ്മറ്റി അംഗം കെ.ടി കത്രിക്കുട്ടി ടീച്ചർ അനുമോദിച്ചു. ജില്ലാ സിക്രട്ടറി വി.വി കിരൺ റിപ്പോർട്ട് അവതരിപ്പിച്ചു. ജില്ലാ ട്രഷറർ പി.പി ദാമോദരൻ, മലപ്പട്ടം പഞ്ചായ്ത്ത് അംഗം എ.കെ സതി, ജില്ലാ കമ്മറ്റി അംഗം കെ.ബാലകൃഷ്ണൻ, മയ്യിൽ ബ്ലോക്ക് പ്രസിഡന്റ് കെ.വി യശോദ ടീച്ചർ, ഇരിക്കൂർ ബ്ലോക്ക് പ്രസിഡന്റ് കെ.പി രാമകൃഷ്ണൻ, സെക്രട്ടറി എം.ബാലൻ, എന്നിവർ സംസാരിച്ചു. കെട്ടിട നിർമാണക്കമ്മറ്റി കൺവീനർ ഇ.മുകുന്ദൻ സ്വാഗതവും മലപ്പട്ടം യൂണിറ്റ് സെക്രട്ടറി പി.പി ബാലകൃഷ്ണൻ നന്ദിയും പറഞ്ഞു.
