കണ്ണാടിപ്പറമ്പ് :- കണ്ണാടിപ്പറമ്പ് ശ്രീ ധർമ്മശാസ്താ ക്ഷേത്രത്തിൽ കഴിഞ്ഞ 40 ദിവസമായി നടന്നു വരുന്ന മണ്ഡലകാല വിശേഷാൽ പൂജകൾക്ക് സമാപനമായി. വ്യാഴാഴ്ച രാവിലെ മുതൽ ഗണപതിഹോമം, ഉഷപൂജ, നവകപൂജ, നവകാഭിഷേകം, ഉച്ചപൂജ എന്നിവ നടന്നു. മണ്ഡലപൂജാ ചടങ്ങുകൾക്ക് ക്ഷേത്രം തന്ത്രി കരുമാരത്തില്ലത്ത് വാസുദേവൻ നമ്പൂതിരിപ്പാട് കാർമികത്വം വഹിച്ചു.
വൈകുന്നേരം ചുറ്റുവിളക്ക്, ദീപാരാധന, നിറമാല, നാറാത്ത് മുച്ചിലോട്ട് കാവിൽ നിന്നും എഴുന്നള്ളത്ത്, അയ്യപ്പസേവാസംഘത്തിന്റെ ഭജന, വയത്തൂർ കാലിയാർ ക്ഷേത്രത്തിൽ അത്താഴ പൂജ, തിരുവായുധം എഴുന്നള്ളത്ത് തുടർന്ന് ധർമശാസ്താ ക്ഷേത്രത്തിൽ പൂജയും തിരുവായുധം എഴുന്നള്ളത്ത്, പ്രസാദ വിതരണം എന്നിവ നടന്നു.
