ഇടുക്കി :- ഇടുക്കിയിൽ 11 പേർക്ക് ഇടിമിന്നലേറ്റു. മംഗളാദേവി ക്ഷേത്രത്തിലെ ചിത്ര പൗർണമി ഉത്സവത്തിനെത്തിയ ഒരു പോലീസുകാരനുൾപ്പെടെ 11 പേർക്കാണ് ഇടിമിന്നലേറ്റത്. വൈകുന്നേരം അഞ്ച് മണിയോടെ മംഗളാദേവിയിലേക്കുള്ള കാനന പാതയിൽ ഒൻപതാം വളവിലാണ് ഇടിമിന്നലുണ്ടായത്. മിന്നലേറ്റ് പലരും നിലത്ത് വീണു. ഇടുക്കി ജില്ലാ ആസ്ഥാനത്തെ സിപിഒ അൻസാറിന്റെ ഇടത് കൈമുട്ടിന് പൊട്ടലുണ്ടായി.
അൻസാറിനെ പാലായിലെ സ്വകാര്യ ആശുപത്രിയിലേക്ക് മാറ്റി. മറ്റുള്ളവരിൽ മൂന്ന് പേർ തമിഴ്നാട് സ്വദേശികളാണ്. തിരുവനന്തപുരം സ്വദേശി വിഷ്ണു, കമ്പം സ്വദേശി ധനലക്ഷ്മി, ചിന്നമന്നൂർ സ്വദേശികളായ ലോകമണി, പൊന്നു സ്വമി, തൃശ്ശൂർ സ്വദേശികളായ രമ്യ, ബ്രോൺസ്കി, കട്ടപ്പന സ്വദേശികളായ ഗിരീഷ്, ശ്രീലക്ഷ്മി, ഏറ്റുമാനൂർ സ്വദേശികളായ അശ്വതി, അഭിനന്ദ് എന്നവർക്കാണ് പരിക്കേറ്റത്. ആരുടെയും പരിക്ക് ഗുരുതരമല്ല.
