ചെങ്ങളായി:- ജില്ലാ പഞ്ചായത്തിൻ്റെ 'ഓണത്തിന് ഒരു കൊട്ട പൂവ്' പദ്ധതിയുടെ ഭാഗമായി ചെങ്ങളായി ഗ്രാമപഞ്ചായത്തുതല ചെണ്ടുമല്ലി തൈ വിതരണ ഉദ്ഘാടനം നടന്നു. പഞ്ചായത്ത് പരിധിയിലെ 15 വനിതാ ഗ്രൂപ്പുകൾക്കാണ് പദ്ധതിയുടെ ഭാഗമായി തൈകൾ വിതരണം ചെയ്തത്.
ചെങ്ങളായി ഗ്രാമപഞ്ചായത്ത് പ്രസിഡൻ്റ് വിപിന ബി.പി. തൈ വിതരണത്തിൻ്റെ ഔദ്യോഗിക ഉദ്ഘാടനം നിർവ്വഹിച്ചു. വരാനിരിക്കുന്ന ഓണക്കാലത്ത് നാടിനാവശ്യമായ പൂക്കൾ നാട്ടിൽ തന്നെ ഉത്പാദിപ്പിക്കുക എന്ന ലക്ഷ്യത്തോടെയാണ് പദ്ധതി നടപ്പിലാക്കുന്നത്.
ചടങ്ങിൽ കൃഷി ഓഫീസർ ജിനു വി.ആർ., കൃഷി അസിസ്റ്റൻ്റ് ബിന്ദു മാവില എന്നിവർ സംസാരിച്ചു. പഞ്ചായത്തിലെ വനിതാ ഗ്രൂപ്പുകളുടെ സജീവ പങ്കാളിത്തത്തോടെ പദ്ധതി വൻ വിജയമാക്കാനാണ് കൃഷി വകുപ്പും അധികൃതരും ലക്ഷ്യമിടുന്നത്
