കൊളച്ചേരി :- തളിപ്പറമ്പ് നിയോജക മണ്ഡലം MLA ടി.കെ ഗോവിന്ദൻ മാസ്റ്റർക്ക് കൊളച്ചേരി ഗ്രാമപഞ്ചായത്ത് ഓഫീസിൽ ഭരണസമിതി അംഗങ്ങളും ജീവനക്കാരും സ്വീകരണം നൽകി. ഗ്രാമപഞ്ചായത്ത് പ്രസിഡണ്ട് ടി.വി ഷമീമയുടെ അധ്യക്ഷതയിൽ ജില്ലാ പഞ്ചായത്ത് മെമ്പർ മുസ്തഫ കോടിപ്പോയിൽ ഉദ്ഘാടനം ചെയ്തു.
ഗ്രാമപഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ പി.ഫാസീല, ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ റഹ്മത്ത് പി.വി, ആരോഗ്യ - വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ടിന്റു സുനിൽ, എടക്കാട് ബ്ലോക്ക് പഞ്ചായത്ത് മെമ്പർമാരായ നസീർ പി.കെ.പി, ഫൗസിയ കെ.സി.പി, ഗ്രാമപഞ്ചായത്ത് അംഗങ്ങളായ സി.എച്ച് ഹിളർ, എ.പി നൂറുദ്ദീൻ, ബഷീർ കെ.കെ, കെ.പി സജീവ്, ഗീത വി.വി, യൂസുഫ് കെ.വി, ഒ.ദിനേശൻ, ഗ്രാമപഞ്ചായത്ത് സെക്രട്ടറി ആന്റണി.എൻ, അസിസ്റ്റന്റ് സെക്രട്ടറി ഇ.ജനേഷ് എന്നിവർ സംസാരിച്ചു. ഗ്രാമപഞ്ചായത്ത് വൈസ് പ്രസിഡണ്ട് കെ.വത്സൻ സ്വാഗതം പറഞ്ഞു.
