കട്ടോളി: -കട്ടോളി നവകേരള വായനശാല & ഗ്രന്ഥാലയത്തിന്റെ ആഭിമുഖ്യത്തിൽ നടന്നുവന്ന വായനപക്ഷാചരണത്തിന്റെ സമാപനവും, പ്രമുഖ വ്യക്തിത്വം ഐ.വി. ദാസിനെ അനുസ്മരിക്കുന്ന പരിപാടിയും സംഘടിപ്പിച്ചു.
വായനശാല പ്രസിഡന്റ് എം.സി. വിനത അധ്യക്ഷത വഹിച്ച ചടങ്ങിൽ, കുറ്റ്യാട്ടൂർ ഗ്രാമപഞ്ചായത്ത് വൈസ് പ്രസിഡന്റ് എം.വി. സുശീല അനുസ്മരണ പ്രഭാഷണം നടത്തുകയും വായനപക്ഷാചരണത്തിന്റെ സമാപന സമ്മേളനം ഉദ്ഘാടനം ചെയ്യുകയും ചെയ്തു.
പരിപാടിയിൽ വായനശാല ജോയിന്റ് സെക്രട്ടറി കെ.കെ. പ്രസന്ന സ്വാഗതവും, എക്സിക്യൂട്ടീവ് മെമ്പർ കെ. രാമകൃഷ്ണൻ മാസ്റ്റർ നന്ദിയും രേഖപ്പെടുത്തി.
