നാദാപുരം :- തൂണേരിയിലെ വീട്ടിൽ നിന്ന് കാണാതായ പെരിങ്ങത്തൂർ സ്വദേശിനിയെ മോന്താൽ പുഴയിൽ മരിച്ച നിലയിൽ കണ്ടെത്തി. കഴിഞ്ഞ പത്താം തീയതി മുതൽ കാണാതായ മുംതാസ് (50) ആണ് മരിച്ചത്. തൂണേരിയിലെ സഹോദരിയുടെ വീട്ടിൽ താമസിക്കുകയായിരുന്നു മുംതാസ്. 10-ാം തീയതി വീട്ടിൽ നിന്ന് പുറത്തേക്ക് പോയതിന് ശേഷം തിരിച്ചെത്തിയില്ല.
ഇതേതുടർന്ന് ബന്ധുക്കൾ നൽകിയ പരാതിയിൽ നാദാപുരം പോലീസ് കേസെടുത്ത് അന്വേഷണം ആരംഭിച്ചിരുന്നു. പോലീസും നാട്ടുകാരും ചേർന്ന് വിവിധ സ്ഥലങ്ങളിൽ തിരച്ചിൽ നടത്തുന്നതിനിടെയാണ് മോന്താൽ പുഴയിൽ മൃതദേഹം കണ്ടെത്തിയത്. മരണ കാരണം സംബന്ധിച്ച് പോസ്റ്റ്മോർട്ടം റിപ്പോർട്ട് ലഭിച്ച ശേഷം മാത്രമേ വ്യക്തമാകൂ എന്ന് പോലീസ് അറിയിച്ചു.
