കമ്പിൽ :- ഇക്കഴിഞ്ഞ SSLC, പ്ലസ് ടു പരീക്ഷകളിൽ കണ്ണൂർ ജില്ലയിൽ 100% വിജയം കരസ്ഥമാക്കിയ ഏക പൊതുവിദ്യാലയമായ കമ്പിൽ മാപ്പിള ഹയർ സെക്കൻഡറി സ്കൂളിന്റെ വിജയോത്സവം ജൂലൈ 17 വെള്ളിയാഴ്ച നടക്കും. സ്കൂൾ അങ്കണത്തിൽ വെച്ച് രാവിലെ 10.30 ന് നടക്കുന്ന പരിപാടി കണ്ണൂർ കെ.സുധാകരൻ എം.പി ഉദ്ഘാടനം ചെയ്യും.
തളിപ്പറമ്പ് MLA ടി.കെ ഗോവിന്ദൻ മാസ്റ്ററുടെ അധ്യക്ഷത വഹിക്കും. ഉയർന്ന വിജയം കരസ്ഥമാക്കിയ വിദ്യാർത്ഥികൾക്കുള്ള ഉപഹാര സമർപ്പണം ചടങ്ങിൽ നടക്കും. കണ്ണൂർ RDD വിനോദ് കുമാർ എ.കെ, തളിപ്പറമ്പ് DEO രവീന്ദ്രൻ കെ.കെ, സ്കൂൾ മാനേജർ പി.സി മുഹമ്മദ് ഷാഹിർ എന്നിവർ ചടങ്ങിൽ മുഖ്യാതിഥികളായി പങ്കെടുക്കും.
