കണ്ണാടിപ്പറമ്പ് വയത്തൂർ കാലിയാർ ക്ഷേത്രം ഊട്ടുത്സവം ഇന്ന് ആരംഭിക്കും

കണ്ണാടിപ്പറമ്പ്: വയത്തൂർ കാലിയാർ ക്ഷേത്രത്തിലെ ഊട്ടുൽസവം ഇന്ന്  (ഫിബ്രവരി രണ്ടിന്) വൈകു: 6.30ന് ക്ഷേത്രം കോയ്മ മംഗലശ്ശേരി ഇല്ലത്തു നാരായണൻ നമ്പൂതിരിയുടെ കാർമികത്വത്തിൽ തിരുവത്താഴത്തിനുള്ള അരി അളവ് ചടങ്ങോടെ ആരംഭിക്കും.

ഹിബ്രു. 3,4 തീയ്യതികളിൽ രാവിലെ ഗണപതി ഹോമം, ഉഷഃപൂജ, നവകം, ഉച്ചപ്പൂജ എന്നിവ നടക്കും. 

4 ന് വൈകു: 5.30 ക്ഷേത്രനടയിൽ കലവറ സമർപ്പണം 6.30ന് ദീപാരാധന 'തുടർന്ന് കണ്ണാടിപ്പറമ്പ ക്ഷേത്രം മാതൃസമിതിയുടെ ശിവ സഹസ്രനാമ പാരായണം,അത്താഴപൂജ എന്നിവ  നടക്കും.

ഫെബ്രുവരി  5 ന് ചൊവ്വാഴ്ച ഉച്ചയ്ക്ക് ചാലോട്, കൊളച്ചേരി, നാറാത്ത് എന്നി നെയ്യമൃത് മഠങ്ങളിൽ നിന്നും നെയ്യമ്യത് എഴുന്നള്ളത്ത് വൈകു: 4.30 ന് മട്ടന്നൂർ പഞ്ചവാദ്യസംഘത്തിന്റെ തായമ്പക, 6.30ന് ദീപാരാധനയക്ക് ശേഷം ഊട്ടുൽസവത്തിന്റെ പ്രധാന ചടങ്ങായ നെയ്യാട്ടം ക്ഷേത്രം തന്ത്രി കുമാര ത്തില്ലത്ത് പരമേശ്വരൻ നമ്പൂതിരിപ്പാടിന്റെ മുഖ്യകാർമികത്വത്തിൽ നടക്കും.

*മഹോത്സവ ദിനമായ ഫിബ്രവരി 6 ബുധനാഴ്ച* രാവിലെ 10 മണിക്ക് മാമാനിക്കുന്ന് ദേവി നാരായണീയ പാരായണ സമിതിയുടെ ആഭിമുഖ്യത്തിൽ ഒ.പി.തങ്കമണി നയിക്കുന്ന നാരായണീയ പാരായണം ഉച്ചയക്ക് 12 മണിക്ക് വടക്കേ കാവിൽ കലശം തുടർന്ന് പ്രസാദ ഊട്ട്, വൈകു: 3.30 ന് തായമ്പക, ശ്രീഭൂതബലി' തിടമ്പുനൃത്തം ,ദീപാരാധനയ്ക്ക് ശേഷം വൈഷ്ണവം കലാവേദിയുടെ നേതൃത്വത്തിൽ കുട്ടികളുടെ തിരുവാതിരക്കളി, 7 മണിക്ക് മലബാർ ദേവസ്വം ബോർഡ് തലശ്ശേരി ഡിവിഷൻ എരിയ കമ്മിറ്റി അംഗം സതീശൻ തില്ലങ്കേരി ആദ്ധ്യാത്മിക പ്രഭാഷണം നടത്തും. 8.30 ന് ശ്രീധർമ്മശാസ്താ ക്ഷേത്രത്തിലേക്ക് വാദ്യമേളങ്ങളോടെ എഴുന്നള്ളത്ത് ,തിടമ്പുനൃത്തത്തോടെ ഉത്സവത്തിന് സമാപിക്കും.