കൊളച്ചേരി :- കോവിഡ് മഹാമാരി കാരണം ജീവിതം പ്രതിസന്ധിയിലായ കലാകാരൻമാരെ സഹായിക്കാൻ പ്രത്യേക പാക്കേജ് പ്രഖ്യാപിക്കുക, പലിശരഹിത വായ്പ ഉൾപ്പെടെയുള്ള സഹായങ്ങൾ അനുവദിക്കുക തുടങ്ങി വിവിധ ആവശ്യങ്ങൾ ഉന്നയിച്ചു കൊണ്ട് സ്റ്റേജ് ആർട്ടിസ്റ്റ് & വർക്കേഴ്സ് അസോസിയേഷൻ ഓഫ് കേരള (സവാക്) സംസ്ഥാന വ്യാപകമായി നടത്തിയ കലാകാര സമരഭൂമിക വീട്ടുമുറ്റ പ്രതിഷേധ പരിപാടിയിൽ സവാക്ക് കൊളച്ചേരി യൂണിറ്റിലെ കലാ കാരൻമാരും പങ്കെടുത്തു.
യൂണിറ്റ് പ്രസിഡണ്ട് കെ.വി. ശങ്കരൻ, യൂണിറ്റ് സെക്രട്ടറി എം.അശോകൻരക്ഷാധികാരി എം. വി. ഗോപാലൻ നമ്പ്യാർ എന്നിവർ നേതൃത്വം നൽകി .
ഏകപാത്ര നാടകവും വിവിധ കലാപരിപാടികളും വീട്ടുമുറ്റങ്ങളിൽ അവതരിപ്പിച്ചു കൊണ്ട് യൂണിറ്റ് അംഗങ്ങൾ പ്രതിഷേധ സമരത്തിൽ പങ്കാളികളായി.
