മയ്യിൽ :- വിമുക്തി മിഷൻ, കേരള സർക്കാർ എക്സൈസ് വകുപ്പ് കണ്ണൂർ ജില്ലാ പഞ്ചായത്ത്, മയ്യിൽ ഗ്രാമപഞ്ചായത്ത് പവർ ക്രിക്കറ്റ് ക്ലബ്ബ് മയ്യിലിൻ്റെ സംയുക്താഭിമുഖ്യത്തിൽ ലോക ലഹരി വിരുദ്ധ ദിനമായ 2022 ജൂൺ 26 ഞായറാഴ്ച പവർ ക്രിക്കറ്റ് ക്ലബ്ബ് താരം ആകാശ് നമ്പ്യാർ മാണിക്കോത്ത് യുവാക്കൾക്ക് ലഹരി വിരുദ്ധ സന്ദേശം നൽകുന്നതിനായി മയ്യിൽ ടൗണിൽ നിന്നും കണ്ണൂർ ടൗൺ വരെയും അവിടെ നിന്ന് മയ്യിൽ വരെയും ഓടുന്നു.
അബുദാബിയിൽ നിന്നും ദുബായിലേക്ക് മണലാരിണ്വത്തിലൂടെ 27 മണിക്കൂർകൊണ്ട് 118 കി.മീ. നഗ്നപാദനായി ഓടിയും, റോതാംഗ് പാസ്സ്, ഗുറൈസാലി LOC, ശ്രീനഗർ, മണാലി-ലഡാക്ക്, കാശ്മീർ മൈനസ് ഡിഗ്രിയിൽ നഗ്നപാദനായി ഓടിക്കൊണ്ടും വിസ്മയം തീർത്ത താരമാണ് ആകാശ് നമ്പ്യാർ ആകാശ് നമ്പ്യാർ മാണിക്കോത്ത്.
ജൂൺ 26 ന് രാവിലെ 7.30 ന് മയ്യിൽ വച്ച് മയ്യിൽ ഗ്രാമപഞ്ചായത്ത് പ്രസിഡൻ്റ് കെ കെ റിഷ്നയുടെ അധ്യക്ഷതയിൽ അസി.എക്സൈസ് കമ്മീഷണർ ശ്രീ ടി രാഗേഷ് ഫ്ലാഗ് ഓഫ് ചെയ്യും. കണ്ണൂർ ജില്ലാ പഞ്ചായത്തിൽ ജില്ലാ പഞ്ചായത്ത് പ്രസിഡൻ്റ് ശ്രീമതി. പി പി ദിവ്യ യുടെ നേതൃത്വത്തിൽ സ്വീകരണം നൽകും.
രാഷ്ട്രീയ, സാമൂഹ്യ സാംസ്കാരിക രംഗത്തെ നിരവധി നേതാക്കളും ജനപ്രതിനിധികളും ചടങ്ങിൽ പങ്കെടുക്കും.
