തളിപ്പറമ്പ്:- കഴിഞ്ഞ ദിവസം തളിപ്പറമ്പ് മന്നയിൽ ബസ് നിയന്ത്രണം വിട്ട് ബൈക്കിൽ തട്ടി യാത്രക്കാരൻ കണ്ണപുരം ഇടക്കേപ്പുറം വടക്ക് സി.സോമൻ മരിച്ച സംഭവത്തിൽ ബസ് ഡ്രൈവർ വായാട്ട്പറമ്പിലെ വിനോദ് മാത്യുവിനെ(44) പോലീസ് അറസ്റ്റു ചെയ്തു. കോടതിയിൽ ഹാജരാക്കിയ പ്രതിയെ കോടതി 14 ദിവസത്തേക്ക് റിമാൻഡ് ചെയ്തു.
ബസ് നിയന്ത്രണം വിട്ട് വൈദ്യുതി തൂണിലും ബൈക്കിലുമിടിച്ചാണ് അപകടം നടന്നത്. അപകടത്തെ തുടർന്ന് ബൈക്ക് യാത്രികനായ ചെറുകുന്ന് സ്വദേശി സോമൻ മരണപ്പെട്ടിരുന്നു.സോമനൊപ്പം ബൈക്കിൽ ഉണ്ടായിരുന്ന യാത്രികൻ ഗുരുതര പരിക്കുകളോടെ പരിയാരത്ത് ചികിക്സയിലാണ്.
