കയരളം :- പാച്ചേനി കുഞ്ഞിരാമൻ സ്മാരക വായനശാല & ഗ്രന്ഥാലയം എവർഷൈൻ സ്പോർട്സ് & ആർട്സ് ക്ലബ് , മേച്ചേരി കയരളവും ചേർന്ന് സംഘടിപ്പിച്ച സംയുക്ത വാർഷികാഘോഷം പ്രശസ്ത സിനിമ നാടക നടൻ സന്തോഷ് കീഴാറ്റൂർ ഉദ്ഘാടനം ചെയ്തു.ജില്ലാ ലൈബ്രറി കൗൺസിൽ സെക്രട്ടറി പി കെ വിജയൻ അധ്യക്ഷത വഹിച്ചു .
സർവീസിൽ നിന്നും വിരമിക്കുന്ന മേച്ചേരി അംഗൻവാടി വർക്കർ സുമതി ടീച്ചർക്ക് മയ്യിൽ ഗ്രാമപഞ്ചായത്ത് വൈസ് പ്രസിഡണ്ട് എ ടി രാമചന്ദ്രൻ ഉപഹാരം നൽകി. ചടങ്ങിൽ സിപിഐഎം കയരളം ലോക്കൽ സെക്രട്ടറി പി വി മോഹനൻ,ഇരിക്കൂർ ബ്ലോക്ക് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി കെ പി രേഷ്മ,പഞ്ചായത്ത് അംഗം ശ്രീമതി കെ ശാലിനി ദേശീയ അധ്യാപക അവാർഡ് ജേതാവ് ശ്രീ രാധാകൃഷ്ണൻ മാണിക്കോത്ത് എന്നിവർ ആശംസകൾ നേർന്നു സംസാരിച്ചു. സംഘാടകസമിതി ചെയർമാൻ രവി മാണിക്കോത്ത് സ്വാഗതവും വായനശാല പ്രസിഡന്റ് പി പി നാരായണൻ നന്ദിയും പറഞ്ഞു.
തുടർന്ന് പ്രശസ്ത നാടൻ പാട്ട് കലാകാരൻ സുരേഷ് പള്ളിപ്പാറ & പാർട്ടി അവതരിപ്പിച്ച മെഗാ ഷോയും, വായനശാല കലാവിഭാഗം അവതരിപ്പിച്ച നൃത്ത നൃത്യങ്ങളും അരങ്ങേറി.
