മയ്യിൽ : വള്ളിയോട്ടു വയൽ ജയകേരള വായനശാല നീണ്ട അറുപത് വർഷക്കാലത്തെ പ്രവർത്തനം പൂർത്തിയാക്കുന്നു. വാർഷികാഘോഷം വിവിധ കലാ സാംസ്ക്കാരിക പരിപാടികളാടു കൂടി മെയ് 7 ഞായറാഴ്ച വൈകുന്നേരം 6 മണിക്ക് വള്ളിയോട്ട് സെന്ററിൽ നടക്കും. കണ്ണൂർ ജില്ലാ പഞ്ചായത്ത് പ്രസിഡണ്ട് പി.പി. ദിവ്യ ഉദ്ഘാടനം ചെയ്യും. സ്വാഗതസംഘം ചെയർമാൻ ഇ.പി രാജൻ അധ്യക്ഷത വഹിക്കും. പ്രശസ്ത സാഹിത്യകാരൻ പി.എൻ ഗോപാലകൃഷ്ണൻ മുഖ്യപ്രഭാഷണം നടത്തും.
രാത്രി 8 മണി മുതൽ വനിതാ യുടെയും ബാലവേദിയുടെയും നൃത്തംനൃത്യങ്ങൾ നടക്കും. തുടർന്ന് സംഗീത ശില്പം ഉണ്ടായിരിക്കും. രാത്രി മുടിയേറ്റ് അവതരിപ്പിക്കും.
1963 ലാണ് വായനശാല കേരള ഗ്രന്ഥശാലാ സംഘത്തിന്റെ അംഗീകാരത്തോടു കൂടി പ്രവർത്തനം ആരംഭിച്ചത്. പടിപടിയായി ഉയർന്ന് തരം തിരിവിൽ ഇപ്പോൾ എ ഗ്രേഡിൽ എത്തി നില്ക്കുകയാണ്. മയ്യിൽ വില്ലേജ് ഓഫീസ് റോഡിൽ പരക്കോത്ത് പറമ്പിൽ സ്ഥിതി ചെയ്യുന്ന വായനശാലയിൽ വി.വി കണ്ണൻ സ്മാരക കലാസമിതി, റെഡ് സ്റ്റാർ സ്പോർട്സ് ക്ലബ്ബ്, ബാലവേദി , വനിതാവേദി, കർഷകവേദി, ഫോക്ക് ലോർ ക്ലബ്ബ് മുതലായ ഉപഘടകങ്ങളും പ്രവർത്തിച്ചു വരുന്നു.
