മയ്യിൽ : വള്ളിയോട്ടുവയൽ ജയകേരള വായനശാലയുടെ അറുപതാം വാർഷികാഘോഷം ഇന്നലെ നടന്ന വിവിധ കലാ സാംസ്കാരിക പരിപാടികളോടു കൂടി സമാപിച്ചു. സംഘാടക സമിതി ചെയർമാൻ ഇ.പി രാജന്റെ അദ്ധ്യക്ഷതയിൽ കണ്ണൂർ ജില്ലാ പഞ്ചായത്ത് പ്രസിഡണ്ട് പി.പി. ദിവ്യ ഉദ്ഘാടനം ചെയ്തു. പരിപാടിയിൽ പ്രശസ്ത സാഹിത്യകാരൻ പി.എൻ ഗോപീകൃഷ്ണൻ മുഖ്യഭാഷണം നടത്തി. ജില്ലാ പഞ്ചായത്ത് മെമ്പർ എൻ.വി ശ്രീജിനി സംസാരിച്ചു.
ജനറൽ കൺവീനർ വി.വി അജീന്ദ്രൻ സ്വാഗതവും കെ.പി നാരായണൻ നന്ദിയും പറഞ്ഞു
തുടർന്ന് ബാലവേദി , വനിതാവേദി നൃത്ത നൃത്ത്യങ്ങളും , വി.വി കണ്ണൻ സ്മാരക കലാസമിതിയുടെ സംഗീതശില്പവും അരങ്ങേറി. ഫോക്ക് ലോർ അക്കാദമിയുടെ സഹകരണത്തോടു കൂടി കീഴില്ലം ഉണ്ണിക്കൃഷ്ണൻ & പാർട്ടിയുടെ മുടിയേറ്റവും അവതരിപ്പിക്കപ്പെട്ടു.
