ചട്ടുകപ്പാറ :- കുറ്റ്യാട്ടൂർ പഞ്ചായത്ത് സർവ്വീസ് സഹകരണ ബേങ്കിന്റെ ആഭിമുഖ്യത്തിൽ SSLC, പ്ലസ് ടു ഉന്നത വിജയികളെ അനുമോദിച്ചു. കുറ്റ്യാട്ടൂർ ഗ്രാമപഞ്ചായത്ത് പ്രസിഡണ്ട് പി.പി റെജി ഉദ്ഘാടനം ചെയ്തു. ബേങ്ക് പ്രസിഡണ്ട് പി.വി ഗംഗാധരൻ അദ്ധ്യക്ഷത വഹിച്ചു. അംഗ സമാശ്വാസ നിധി വിതരണവും, SSLC പ്ലസ് ടു 100 ശതമനം വിജയം കൈവരിച്ച ചട്ടുകപ്പാറ GHSS ന് ആദരവും നൽകി. സംസ്ഥാന അദ്ധ്യാപക അവാർഡ് ജേതാവ് എം.പി.നജീറ ടീച്ചറെ ചടങ്ങിൽ ആദരിച്ചു. നജീറ ടീച്ചർ, ചട്ടുകപ്പാറ GHSS പ്രിൻസിപ്പാൾ എ.വി.ജയരാജൻ മാസ്റ്റർ എന്നിവർ സംസാരിച്ചു. സഹകരണ സെമിനാർ സംഘടിപ്പിച്ചു. പറശ്ശിനിക്കടവ് ICM ഫാക്കൽറ്റി മെമ്പർ ഐ. അഭിലാഷ് ക്ലാസെടുത്തു.
ബേങ്ക് സെക്രട്ടറി ആർ.വി.രാമകൃഷണൻ സ്വാഗതവും ബേങ്ക് വൈസ് പ്രസിഡണ്ട് എ.കൃഷ്ണൻ നന്ദിയും പറഞ്ഞു.
