പാപ്പിനിശ്ശേരി :- പാപ്പിനിശ്ശേരിയിൽ വേളാപുരത്ത് ബസ്സും ബൈക്കും കൂട്ടിയിടിച്ച് യുവാവ് മരിച്ചു. പാറക്കടവ് സ്വദേശി മനോജ് യു ആണ് മരിച്ചത്. കഴിഞ്ഞ ദിവസം വൈകുന്നേരമായിരുന്നു അപകടം. വേളാപുരം എൽ.പി സ്കൂളിന് സമീപം വെച്ചാണ് അപകടമുണ്ടായത്. തളിപ്പറമ്പ് നിന്നും കണ്ണൂർ ഭാഗത്തേക്ക് പോകുകയായിരുന്ന ബസ്സും കണ്ണൂർ നിന്ന് തളിപ്പറമ്പ് ഭാഗത്തേക്ക് വരുകയായിരുന്ന ബൈക്കും തമ്മിൽ കൂട്ടിയിടിക്കുകയായിരുന്നു. ഗുരുതര പരിക്കേറ്റ മനോജിനെ ആശുപത്രിയിൽ എത്തിച്ചെങ്കിലും മരിച്ചിരുന്നു. നിർമ്മാണതൊഴിലാളിയാണ് മനോജ്.
